Ihlathululo
I-Chardonnay kumhlobo wamaderibe omhlophe ojayelekileko nokhiqizwa bewutjalwe khulu emhlabeni zombelele ukufikela namhlanje. Uyincenye yomndeni we-Pinot kanye nomunye epheze wafa unomphela ohlobene nawo obizwa nge-Gouais Blanc.Indabuko /Imvelaphi
France.Amanye Amagamawo
Melon blanc, Pinot blanc Chardonnay, Pinot Chardonnay nofana WeisserClevner.Ukukhiqizwa eSewula Afrika
Ukumila nokutjalwa kwawo nanyana kube khona enarheni le isikhathi eside nje, ukukhiqizwa kwawo kuthome ngemva kokutholakala kwenseetjenziswa zokutjala ngeminyaka yabo-1970s. Ukufikela ngaleso isikhathi begade kuquntwa imitjhana yawo ebegade ibola netheleleke khulu ligcikwana namalwelwe.
Ngemva kokuhlangahlanganiswa lizinga elibuthaka urhulumende ebegade alisebenzisa ekufumaneni kanye nekukhipheleni iinthelo eenarheni zangaphandle, isiqhema sabantu abalisumi bagcine sele bazenzela bona ngokwabo.
Phakathi komnyaka ka-1973 kanye nekuthomeni kwaka-1980s, isiqhemesi sangenisa eSewula Afrika iinthelo ukusuka eenahreni ezinye, ngokuzifihle ngaphasi eenkhwameni zabo, hlangana nezambatho kanye nangokusebenzisa iimphaphamtjhini ezinganakaphiwa iinkomba ngendlela yakhona.
Babuthelele iinsetjenziswa zeenthelo zomhlobo we-Frenchesikolweni sewayini, i-Geissenheim, e-Germany, lapho u-Danie De Wet, umbethi wesimbi, begade amfundi khona. U-De Wet, otjala nofana obhura e-Dewetshof e-Robertson, kwaba nguye wokuthoma wokuthi angenise iinsetjenziswa zesitjalo i-Chardonnay enarheni ngomnyaka ka-1973.
Umkhiqizo Weemphande
I-Chardonnay ikhiqizwa kizo zoke iimphande ezenza iwayini enarheni yeSewula Afrika, okufaka hlangana i-Robertson, Paarl, Stellenbosch, kuthi i-Breedekloof kanye ne-Swartland kube ngizo ezifakakhudlwa emkhiqizweni.Ukukhula Nokuthela Kwawo
Ukukhula kwaso isithelwesi kuba ngokwesilinganiso esiphakathi, kanti-ke inamandla wokukhiqiza inani elibalelwa ukusuka ku-5t/ha to 9t/ha.Ukuvuthwa
Avuthwa masinya esiquntwini sokuthoma senyanga kaMhlolanja.Umomori
Amamomori wakhona mancani, aronjwana kanye nombala omthuthu okuhlaza satjani ukuyela kosarulana. Amakelwakhona amatsikana, aqinile bekayakhanyela, nakasesematjha ayathambathamba bekabe nejuzi enengana.Amakari
Amakarawo makhulu ngesilinganiso esiphakathi, akheke ngendlela elironjwana, abanzi kanye nencenye yesiphetho sawo esirondo.Iintjhabalalisi Namalwelwe
I-Chardonnay yaziwa ngokuba buthakathaka ngokuphakathi naziza ekuthuthumbeni nekutjhwabeni kanye nekuboleni nofana esitjhabalalisweni esaziwa nge-botrytis. Imitjhanazo ikhula kamnandi eendaweni zobujamo obupholileko kanye nalezo ezinokutjhisa kwesilingasiso esiphakathi ehlobo. Ukuvuthwa kusesenesikhathi kunciphisa umthelela wobujamo bomtjhiso omkhulu ekukhiqizweni kwawo.Umsebenzawo
Umhlobo lo usetjenziswa njengendlela yomhlobo owodwa weengodo nofana ngaphandle kwengodo nofana ukukhiqiza ezinye zamawayini eziphuma phambili eSewula Afrika. Ivamise ukuhlanganiswa nofana ivangwe ne-Sauvignon blanc.Umnambitho
Umnambitho wewayini ekhiqizwa ngilomhlobo wesithelo uyangobujamo bezulu kanye nehlabathi.Njengombana umhlobo lo ukghona ukujayela lula endaweni yemihlobohlobo yehlabathi, ebumbeni, kanye nalapho kunamatje khona uthathwa njengophuma phambili.
Imihlobo yemikhiqizwayo ihluka ukusuka eenthelweni ukuya ku-tropical, herbal, vanilla, butter kanye ne-cinnamon. Amawayini wayo anombala wegolide kuthi emlonyeni inambithe njenge-velvet.
Translated by Johannes Nkosinathi