Inchazelo
Le Carignana ligilebisi lelimnyama lincama/londzile lisetjentiswa ekukhiciteni liningi kanye nayinye inhlobo yemawayini. Linani lemaphesenthi laloluhlobo alucaci/alubonakali kahle.Lapho Avela Khona
Lenhlobo ivela eSpain, yetsiwe emvakwelidolobha leliyi Cari”nena esifundzeni sase Aragon. Ikhicitwe esigodzini sase Languedoc Roussillon, lebekuyincenye yesiGodlo se Catalunya-Aragon yase ibayincenye yase France ngemnyaka wa 1659, kusukela ngetikhatsi tasendvulo ngemnyaka welishumi nakubili.
Indzawo lengaphansi kwe kwemkhicito we Carignan eFrance ikhule noma ihlume kahle kuleminyaka, kantsi eSpain iyashwabana. Lenhlobo ikhule injwayelo lembi noma lengalungi ngemnyaka wa 1970, uma balimi bema French bahlanyela tinkhulungwane temahekitha eCarignan ngoba ikhicita kakhulu noma lokusetulu ngesikali kwentela kutfola imali kuhulumende lebeyibekelwe inkhicito lesetulu.
Lomphumela bekungulokukhicita tigidzi temalitha emanani eliwayini le Carignan. Lendzawo lengaphansi kwemkhicito eFrance incishisiwe kusuka ngemnyaka wa1990, ngendzaba yemndlandla wahulumende, phindze kubekhona kunaka lokuhle kulomkhicito weliwayini le Carignan lomuhle.
Lamanye Emagama
Lenhlobo iphindze yatiwe ngekutsi yi Carignane eUnited State, Carignano eItaly, Carignan noir eFrance bese eSpain yiTinto Mazuela noma Sams’o.Kukhicitwa eNingizimu Afrika
Phrofesa Abraham Izak Perold ngetikhatsi tabo 1920 wevalakalisa litsemba lakhe kutsi umkhicito we Carignan utokhula eNingizimu Afrika, ngenca yelikhono letinhlobo letikhula ngaphansi kwetikhatsi letomile.
Kubonakala ngatsi kukhicita kwacala kahle emkhatsini wemnyaka wa 1970, nalo mndeni waka Basson, lowalima eDie Slot ePerdeberg lowahlanyela yinye yemavini ekucala ngemnyaka wa 1972. Charles Back wase Fairview waticala yena njengamunye lonelikhono ekhukhiciteni kwenhlobo yinye ye Carignan yewayini kulelive lelisha nge Pegleg Carignan yakhe, leyakhiwe ngemagilebisi emavini elihlatsi eDie Slot.
Leliwayini libitwe emva kwa Cobus Basson lowalahlekelwa ngumelente aneminyaka lolishumi nesikhombisa, umasigulumba sigicika siwela etukwakhe ngesikhatsi alekelela uyise wakhe kumavini eCarignan.