Carignan

© Glenneis Kriel

Ṱhaluso

Carignan ndi veini ntsu ine ya shuma yo ḓiimisa nga yoṱhe kana yo vanganyiwa na dzinwe . Vhabebi vhayo a vha khou ḓivhea.

Vhubvo

Muri hoyu vhubvo hayo ndi Spain, dzina heḽi ḽi bva kha kuḓorobo kwa Carinena kha vunḓu ḽa Aragon. Yo bveledzwa kha ḽa Languedoc Roussillon ine yo vhuya ya vha tshipiḓa tsha muvhuso wa Catalunya-Aragon ya kona uvha tshipiḓa tsha France nga ṅwaha wa 1659, ubva nga centuari ya 12. U aluwa ha Carigna kha ḽa France hu khou hula zwi tshi vhambedziwa na Spain.

Muri hoyu wo mbo ḓi wa tshirunzi nga ṅwaha wa 1970 musi zwigidi zwa vho rabulasi vha tshi ṱavha Carignan nga vhunzhi iri i kone u alusa na tshikwama tsha muvhuso zwi tshi khou bva ngauri i khou bveledzwa i nnzhi.

Mvelelo dza hone ha vha u bveledzwa ha dzi billion dza dzi ḽithara dzine dzo vha dzi sina mutakalo ya veini ya Carignan. Hune ya bveledzwa hone kha ḽa France ho no fhungudzwa nga vhunzhi u bva nga ṅwaha wa 1990 nga mulandu wa u fhungudzwa ha muvhuso, ho no vha na u lavheleswa hu hulwane ha uri hu bveledzwa veini ya mathakheni ya Carignan.

Manwe Madzina

Muri hoyu u ḓivhea na nga ḽa Carignane kha ḽa united states, Carignano kha ḽa Italy, Carignan noir kha ḽa France na Tinto Mazuela kana Samso kha ḽa Spain.

U Bveledzwa kha ḽa Afrika Tshipembe

Muphurofessa Abraham Izak Perold nga ṅwaha wa 1920 vho amba fulufhelo ḽavho ḽa uri u bveledzwa ha Carignan kha ḽa Afrika Tshipembe hu ḓo hula nga mulandu wa uri muri wa hone uya kona u hula na musi hu tshi khou fhisa. Zwa vhonala uri u bveledzwa hayo zwa vho thoma nga nwaha wa 1970, nga muṱa wa Ha Basson, vhe vha ḓo lima kha bulasi Die slot kha ḽa Perdeberg ndi vhone vhe vha ḓo ṱavha muri wa u thoma nga ṅwaha wa 1972.

Vho- Charles Back vha Fairview vho ḓi wana uri ndi vhone vha khwinesa kha vha bveledzi vha Carignan veini ine ya kona u shuma I songo vanganyiwa na inwe veini kha ḽifhasi ḽa zwino, Ine ya itwa nga nḓirivhe dza ḓakani ḽa Die slot.

Veini yo riniwa i tshi bva kha Cobus bassoon ane nga henetshila tshifhinga ovha ana minwaha ya 17, musi atshi xelelwa nga mulenzhe musi atshi welwa nga tractor musi atshi khou thusa khotsiawe fhethu hune ho vha ho ṱavhiwa Carignan.

U Bveledzwa kha Madzingu

Muri hoyu a wo ngo tou ḓalesa kha ḽa Afrika Tshipembe, u tou vha hectara dza mahumimaṱanu fhedzi dzo ṱavhiwa ho nga ṅwaha wa 2016. Vhunzhi ha hezwi zwimela zwi swartland, Paarl na Stellenbosch. Carignan dza vhuḓi dzi bva fhethu hune havha na maḓaka hune na u bveledza ha sa gume.

U Aluwa

Iya aluwa zwavhuḓi hune ya swika henefha kha hectara dza 15t/ha uya kha 20t/ha.

U Kaṋiwa

Mitshelo iya kaṋiwa u lenga kha khalanwaha nga ṅwedzi wa Ṱhafamuhwe.

Mitshelo

Mitshelo ndi mitsu, ya vha tshipulumbu ya vha miṱuku. Lukanda lwa hone lwo khwaṱha lwa oma.

Maṱari

Matari ndi mahulwane, avha na muvhala mudala wo dombilelaho a dzula atshi khou hula.

Zwiḽi na Malwadze

Muri hoyu a u funi murotholo wo kalulaho na zwivhungu zwi a u tshinyadza.

Mushumo

Kha ḽa Afrika Tshipembe uya bvisa veini ya vhuḓi yo ḓiimisaho nga yoṱhe, vhunzhi ha hedzi veini dzi thusa ufha veini tsuku mivhala, musi yo ṱanganiswa na Shiraz, Cabernet Sauvignon na Mouvedre ine ya tou vha yone ine ya ḓivhelwa u ṱanganisa. Kha ḽa France na Spain i ṱanganiswa na cinsaut noir, Grenache noir na Tempranillo u bveledza veini ine ya nweya.

Muthetshelo

Muri hoyu u bvisa muthetshelo wa vhuḓi wa mitshelo, une wa vha una cranberry nnzhisa na strawberry na raspberry.Translated by Khalirendwe Nekhavhambe