Izulu mamanzi ehla amathosi angadluli ku-0.5 mm ngobukhulu. Lokha amathosi la amancani kunalokhu abizwa bona mvimbi.
Izulu lihlukaniswa ngokobana lina kancani, hlangana nendawo nanyana khulu okuya ngokobana izulu lina kangangani nge-iri. Ukwenza isibonelo izulu elina kancani ngelina nge-2.5 mm, elihlangana nendawo ngelina nge 2.8 ukuya ku-7.6 mm qobe nge-iri.
Ngokuya ngokwabe-South African Weather Service, i-1 mm yezulu elingana namanzi ayilitha yinye endaweni eyi-1 m x 1 m engagijimi amanzi, nanyana lapha amanzi angaqedwa lilanga nanyana anganeni ehlabathini.
Ukutlameka Kwezulu
Izulu likhiqizwa mamafu. Amafu enzeka lokha umoya obobuswe nawukhuphukako. Umoya lo uyaphezulu ngebanga lokugandeleleka okungakaqini emoyeni bese uyaphola. Umoya opholileko uzala amanzi i-water vapour bese kwenzeka i-condensation.
I-Condensation kulich amitosis amanzi enema emoyeni omakhaza. Lokha i-condensation nayiragela phambili, amathosi wamanzi la akhula bebudisi angasarhoni ukuya ukuya phezulu bese awela phasi ehlabathini.
Amafu
Okuya ngokobana akheke njani amafu ahlukaniswe kabili. Umhlobo wamafu i-Stratiform ufana nengubo begodu uvala indawo ekulu. Enzeka lokha umoya ukateleleka kobana ukhuphuke kabuthaka emfundeni ezikulu.
Ngaphezulu ube nobuswe uragele phezulu ngokukhuphuka,amafu womhlobo we-stratiform arhona ukuletha izulu elinengi namkhana irhwaba elinengi. Amafu womhlobo i-Cumuliform clouds, arondo akheke njengelerhe avamise ukuya phezulu ukuya phezulu kwawo kubanga amafu ahlangeneko, amade womhlobo we-cumulonimbus aletha imibani.
Ukuhlukaniswa Kwezulu
Izulu lihlukaniswa ngokobana litlameke njani.
Izulu lomhlobo we-Convection
I-Convection rain mhlobo wezuulu owenzeka lokha kunobuswe obukhuphuka buvela ehlabathini. Amafu ama-Cumulonimbus kanye nama-cumulus clouds nakhe abonakala kutjho bona kuzokuba nokuphazima kanye nemidumo yezulu nanyana umbani.
Imidumo kanye nemibani ihlotjaniswa nemimoya eqinileko, izulu elinamandla ngesinye isikhathi kuba nesinanja. Enarheni elirhalawumba amathosi wezulu abuya emdumeni wezulu aphelela emoyeni ngaphambi kokobana afike phasi. Izulu elinjalo liba khona ebusika kwaphela eenarheni ezinobujamo bezulu obuhlangana nendawo nalapha kunehlanganisela yobuswe emoyeni kanye nomtjhiso.
I-Orographic rain
Umhlobo wezulu i-Orographic wenzeka lokha imimoya ikateleleka kobana igibele intaba. Amafu i-Nimbostratus kanye nezulu ziwela emoyeni ophezu kwentaba. Izulu liba phasi lokha umoya ophezu kwentaba uphasi.Indawo leyo ihlukaniswa ngokobana sithunzi sezulu.
Indawo i-The Little Karoo, ese-Oudtshoorn, yisibonelo esihle sendawo ene-rain shadow eSewula Africa. Izulu etlhagwnini elisencenyeni yentaba ze-Outeniqua lingadlula i-1 000 mm ngonyaka, kodwana eenarheni ezinengi ze-Kharu encenyeni zentaba lincani kune-200 mm.
Umvimbi nanyana izulu lomhlobo we-cyclonic
Izulu elimvimbi lenziwa yisistimu ezombeleze i-cyclone. Lokhu kwenzeka lokha umoya ofuthumeleko uhlangana nomakhaza bese kwenzeka i-cyclone ekuyisistimu enokugandeleleka okuphasi esentha kanye nokugandeleleka okuphezulu okuyizombelezileko.
Umoya ofuthumeleko ukateleleka ukukhuphuka udlule opholileko. Umoya ophakama phakathi uyapahola wenze amafu womhlobo we-nimbostratus begodu urholele ekutheni kune izulu elikhulu endaweni leyo.
Translated by Busisiwe Skhosana