Ipi kaSandiswa negongwana ye- HIV/Aids
Umzukulwanami omdala, uSandiswa, uneminyaka eyi-18 begodu usiphofu.Wathi lokha aneminyaka eyi-14, wathoma wavela iinlonda ehloko. Kwakulitjhwayo lokuthoma elikhombisa bona unengogwana ye-HIV/AIDS. Ngizimisele ukutjho lokhu ngombana, sengamukela.
Kubalulekile ukwamukela ubulwelobu ngaphambi kobana uqalane nabo kuhle Nangabe kukhona ukuninana emphakathini ngeze sakgona ukujamelana nabo. Ngiqinile ngendlela le. Saya esibhedlela esikhulu sokarhulumende i-Groote Schuur eKapa, lapha uSandiswa bamuthola bona unengogwana le, begodu abodokgodera basitjela bona sele bukhambe khulu Begade sele kusikhathi asela amapele, begodu gade angawaseli kuhle.
Abodokgodere bathi, kungebangelo aphophele nje. Ngolosine, siye kwadokgodere godu. Wasitjela bona unobulwelwe besifuba/TB (Tuberculosis), kodwana angalapheka. Wonde khulu begodu uyagula, ugandeleleke nangokomkhumbulo, akasafuni nokukhuluma, akasakhulumisi ngitjho nabazala bakhe. Uvele afihle ihlokwakhe.
Umsebenzi kagogo
Usandiswa ungena iskolo sabantu abangaboniko e Worcester,nekusikolo esimfaneleko. Ngamapelaveke, uyabuya kimi.Ngiyamtlhogomela, ngimvasele izambatho zakhe, begodu ngimkgelebhe ngakho koke akutlhogako.
Msebenzi omkhulu, ngesinye isikhathi, umthwalo wami uyangidisela.Nginomsebenzi omnengi wokutlhogomela abentwana babantwabami,begodu nginobulwelwe beswigiri, bamathambo kanye ne-High Blood.
Isikhathi esinengi ngizizwa ngigcwele ukudana, ngendlela ubuphilo bami bungakho, nalokhu umndenami uqalene nakho ngibe ngiphathwe kulila. Ubuhlungu obunje abukhambi.
Uthi lokha nawuqabanga ngabo, ukudana kubuye ngamandla. Indodanami uAndile nayo inobulwelobu, begodu sele abatjelile abanye abantu. Uphilile, begodu uya emitholapilo ayokupha abantu abahlolelwa ubulwelwe imfundiso.
Ukuqina kukaGogo
Epilwenami yamihla namalanga,ngiqinile. Abomma be-Grandmothers Against Poverty and Aids bangikgelebhe khulu. Siyasekelana njeke ngiyathanda ukuza lapha e-GAPA. Ngafunda khona bona soke sabelana ngobudisi bunye.
Siphana amazizo, besikgelebhane.Kodwana kunesikhathi lapha ngibhalelwa kuza khona, ngombana ngimi ngedwa otlhogomela abantwana babantwabami, begodu bayangitlhoga, khulukhulu uSindiswa. Kunezinto ezimbili kwaphela ezibalulekileko epilwenami mvanjesi, kuqiniseka bona ngikgona ukutjheja abantwana babantwabami bengisebenze njengesangoma. Akukho okunye okusabalulekileko kimi.
Translated by Busisiwe Skhosana