Umuthi we-carob (Ceratonia siliqua) ungakhiqiza imbewu enga isaskhumba etjhuguluka ibe nzotho ngombala lokha nayivuthwako. I-pod yayo inamakelo anomnambitheko osudu kanye nembewu incani. Imbewu ye-carob izele iswigiri yemvelo, amaprotheyini, vitamin A kanye ne B amaminerali afana ne-calcium, silica, iron kanye ne-phosphorous begodu imumethe amafutha angaphasi kwe-1%. Ngemva kokuvuna ama-pod anzotho, ayavulwa akhutjhwe imbewu. I-pod enganalutho iyahlanjwa, irostiwe (ekwenza bona ama-enzymes angasathabuluka) bese iyasilwa. Ipuyere efeyini enzotho ngombala isetjenzisw njenge-cocoa kodwana engatlhogi iswigiri.
Okungafani ne-cocoa, i-carob ayikamumathi i-caffeine, theobromine (sithabululi esingabanga ihloko) nanyana i-oxalic acid. Lokha nakwenziwa iflowura ye-carob, ehlanganiswe ne-skim milk nanyana ibisi elikhitjhwe ikhrimu, vegetable oil/amafutha wemirorho kanye ne-soy lecithin zikhiqiza iinthako ze-carob eqinileko ezingasetjenziswa emikhiqizweni eminengi yokudla. I-Permaculture News iphakamisa bona Kulandelwe amagadango alandelako lokha nakwenziwa ipuyera yembewu ze-carob ekhaya. Hlanza ama pods asele avuthiweko anzotho ngombala uwabilise emanzini anele ukuwavala aze athambe. Ukuwapheka kwenza bona athambe begodu kube lula ukuwavula kukhitjhwe imbewu. Sikelela ama-pods uwenze iincetjhana uwomise kuhle ngaphambi kokobana uwasile abe yipuyera.
I-Carob Seed Gum
I-Carob seed imumethe i-35% ye-gum, esetjenziswa ekwenzeni i-glue, izinto zezobuhle, pharmaceuticals, ipende, ama-detergents, i-ink, iphoritjhi yeenyathelo, emabubulweni wamatjhila, iinthombe zembapiri, isibulali senunwana kanye nenhloko zomlilo. Isetjenziselwa ukutjhuka iskhumba. Lokha nakwenzewa iraba, kusetjenziswa i-locust bean gum efakelwa ukwenza bona izinto eziqinileko zikhambe ngaphezulu kwamanzi. Isetjenziselwa ukunamathisela imbapiri kanye nokutjhubisa izinto zokunamathisela i-silkscreen. I-Carob seed gum (ibizo layo elinye ekuyi-locust bean gum) isetjenziswa emabubulweni wokudla isetjenziselewa ukutjhubisa kanye nokunzinzisa ukudla okufana nemikhiqizo ebhagiweko, irhwabalaza,ama-sauce we-salad dressing, salami inyama ekheniweko, ifesi, i-jelly kanye ne-mustard.
I-Pods yayo ingahlafunywa njengeswidi, kodwana isetjenziswa njengeflowura enjenge-cocoa efakwa ebisini elitjhisako namtjhana elimakhaza, elihlanganiswe neflowura eyenziwe ngeflowura yokwenza uburotho nanyana ama-pancakes esele nisetjenziselwa ukudla kwekuseni. Lokha iflowura ifeyini khulu isetjenziselwa ukwenza amaswidi kanye ne-pod esiliweko yabiliswa emanzini ukukhiqiza isirabhu edege. Lokha sele kukhitjhwe i-gamu ku-carob, iinsalela zembewu kungenziwa ngazo i-starch esizele amaprotheyini - (60%), kanye neflowura enganaswigiri efanele abantu abanobulwelwe beswigiri.
Ukusetjeniswa kwe-Carob
eJarimani kanye ne-Spain, imbewu ye-carob erostiweko engana-caffeine ifanele ukujamela ikhofi nanyana ihlanganiswe nayo. Itiye ye-carob pulp ingabiliswa ukukhiqiza isiselo esibutjwala. eSewula Afrika, umuthi we-carob usatjlaliswe ngokutjalwa ngelayini endleleni, epateni kanye neendawo lapho kuphakwa khona iinkoloyi ngombana ihlala ihlaza, iqinile begodu ayitlhogi amanzi amanengi.
Isjalo esihlangenekwesi somuthi we-carob sidlala indima yokuqeda itjhada begodu uvamise ukutjalwa eduze kwengadi. Irhubhululo elenziwe nguLucus lipumbu sele lithethe isiqunto sokobana konerhonakalo yokobana i-carob ibe negugu eliphezulu lokuletha imali eSewula Afrika ngebanga lokobana itlhogwa khulu emabubulweni we-carob seed gum.
Translated by Busisiwe Skhosana