I-Eutypa Dieback
I-Eutypa dieback, ibangelwa yikowani i-Eutypa lata. Imiphumela kuba kubola kwesigodo esibangela ukufa kwedireyibe. Itjhwayo elijwayeleke khulu lekowani le yi- eutypa dieback esimini yediriyibe ibonwa ngokobana iingodo zamadiriybe zibe zifitjhani zibe namakari. Ama-cordons wemasimu wamadireyibe angenwe bulwelobu khulu angafa, lokho kudale bona amadiriyibe ome. Ama-cordons aveza isigodo esinguqantathu esifileko. Ikowani yehlobo le-Eutypa fungus ingangena emasimini wamadiriyibe ngesilonda esivela amadiriyibeni lokha naka-pruniwako.I-Eutypa dieback ingalawulwa ngokuspreyiwa kwasivini ngemva kokusipruna ngekhemikhali yesitjhabalalisi nanyana i-Trichoderma. Nangabe izulu lithoma ukuna lokha nakapruniwako, kufanele kuliswe ukuprunokho ngombana iinlonda ezimanzi ezivela lokha umuthi wamadiribe uprunwako wenza bona kungene iinkowani. Iinkere zokupruna amadiriyibe kufanele zibulawe amagciwani, malanga woke ngeshlahla sakhona sokusteralayiza. Susa zoke iingodo ezingenwe malwelwe uzitjhise ukuphungula amazinga we-inoculum emasimini yamadiriyibe
I-Black Goo
I-Black Goo ngenye yenkowani ezimbalwa ezikhona mvanje eSewula Africa. I-Black goo, Petri disease, nanyana ukuphela kwamadiriybe amancani emasimini wawo, kukhombisa ubulwelwe obufanako. Iinkowani zenzeka emrajini, kuthi ubulwelwe buvele lokha isjalo sigandeleleke ngokomkhumbulo, isibonelo ngemva kokobana sihlanganisiwe. Zirhatjhekela ngokupruniwa.Njenganje ayikho ipengu yobulwelobu, kodwana intatha yeensetjenziswa zokuhlomelela kanye nokutjhisa umrabhu ngamanzi atjhisako ngaphambi kokuwutjala godu kungenza ube nemiphumela emihle. Ubulwelobu bungakhandelwa ngendlela ezahlukeneko ngokuthola, kwezinye izinto ukuba nesitjalo esihle. Imirabhu emincani kanye nemirabhu ayingenzwa ibe mifitjhani khulu lokha nayitjalwako, begodu imigodi yokutjala kufanele itjhinge ngokwaneleko ukwenzela bona imirabhu ikghone ukurhatjheka.
Translated by Busisiwe Skhosana