Malwadze a Fungal - Eutypa Dieback
Eutypa dieback i vhangiwa nga Eutypa lata. Mvelelo dzi itwa nga u sina ha zwimela zwine zwo sokou tou ḓi melela hune ha fhedza hu tshi khou fa miri. Dzi tsumbadwadze dzine dza tou vhonala vhukuma dza eutypa dieback kha tshimela muṱokola uvha u mupfufhi wa vha na maṱari maṱuku. Matavhi ane avha o kavhiwa zwihulwane a ya fa tavhi ḽine ḽa vha ḽo fara nḓirivhe na ḽone ḽi ya fa. Hei Eutypa fungus iya kona u dzhenelela kha muri kha zwilonda zwa musi hu tshi khou geredzelwa.Eutypa dieback iya kona u langea nga u tou fafadzela nga murahu ha musi hu tshi khou fhedza u geredzeliwa muri nga mushonga wa ulwa na fungi kana Trichoderma. Arali mvula ya thoma una musi hu tshi khou geredzelwa muri, hu fanela u litshiwa u geredzelwa zwilonda zwine zwa ḓo vha zwo thaba zwia kona u ḓisa fungus. Zwigero zwa u geredzela zwi fanela u kulumagiwa ḓuvha ḽinwe na ḽinwe nga, mishonga ya hone. U fanela u bvisa zwilonda zwoṱhe zwine zwa vha uri zwo kavhiwa nga u ṱavhanya zwa fhisiwa u itela u fhungudza tshiimo tsha inoculum kha miṱokola.
Malwadze a Fungal - Black Goo
Black Goo hovhu ndi vhulwadze ha Fungal vhune havha hone kha ḽa Afrika Tshipembe. Black goo, Petri disease ‘u hana ha miri miṱuku’ kha miṱokola zwoṱhe zwi sumbedza vhulwadze vhuthihi. Fungus i wanala nga maanḓa kha midzi nahone vhulwadze ha thoma u vhonala musi tshimela tshi fhasi ha mutsiko sa tsumbo nga murahu ha musi muri wo ḓala nga maṱari i phaḓalala nga u geredzelwa.Zwazwino a huna mushonga wa hovhu vhulwadze, fhedzi mushonga wa zwa u gera u hone na wa midzi musi u tshi khou shumisa maḓi a u dudela nga murahu ha musi u saathu gera zwi ḓisa mvelelo dza vhuḓi. Vhulwadze vhu nga thivheliwa nga nḓila nnzhi nga u kona u ḓivha zwimela zwine zwa vha zwa khwiṋe. Midzi ya zwimela zwiṱuku a i faneli uvha mipfufhi nnga maanḓa musi hu tshi khou ṱavhiwa, milindi ya u ṱavhela i fanela u tsesa fhasi uri midzi i kone u phaḓalala.Translated by Khalirendwe Nekhavhambe