Ukuzilawula ngebhayoloji kufaka hlangana iindlela ezinengi, ekuyindlela ye-pheromones, iinhlanhla zokuqotha abonompopoloza, namanaba weemvelo kanye netjhefu yebhayoloji. Lokha nakuneenunwana ezinengi ezimhlobo munye, kuvamise bona kube yikomba yokobana ukulingana kwebhoduluko kuyaphazamiseka. Iinunwana zingabonwa njengendlela yemvelo yokutjengisa lapha itjhuguluko lingenziwa khona eplasini.
Iinunwana esizibona njengengogwana, zivamise bona zibe bazumi bezinye iinunwana eziletha inzuzo begodu kuqakathekile ukwazi ukuvikela, nokuvumela iinunwana eziletha inzuzo bona ziziphindaphinde zibe zinengi. Iintjalo ezirherha iinunwana eziletha inzuzo zibizwa bona mndeni we-Asteraceae (njengesoneblomu), i-clover, common yarrow, (Achillea millefolium), buckwheat kanye nezinye. Iimbonelo zenunwana eziletha inzuzo yilava, ne-ladybird.
Isibungu esakheke njengomneke esingabanga umonakalo eenunwaneni, njengenunwana ngokwayo. I-lacewings ivela emndenini we-Neuroptera. Ama-aphid adlala indima iqakathekileko ekudleni, kodwana ezinye iinunwana ezifana nentwala, thrips kanye neempukani ezimhlophe, iintethe kanye neenunwana ezidlelwe amaqanda. Iinunwana ezijwayekileko zihlasela i-aphids kanye nekoroyi zibizwa bona ma-hoverfly (Eupeodes corolla) esarulana nokunzima ngombala ngemva efana neenyosi.
Kunamabubulo afuya athengise iinunwana eziletha inzuzo ezifana ne-ladybirds (Chilocorus nigritus kanye ne-Cryptolaemus montrouzieri), kanye nabononidovu ebamapharasayidi i-Aphytis lingnanensis kanye ne-Coccidoxenoides perminutus). Iinunwana ziphila emakarini yi-mealy bugs kanye ne-red scales. Okulandelako kumayelana neenunwana ezijwayelekileko nokobana zingalawulwa njani.
Iinswebu Ezibomvu kanye Ne-Mite
Iinswebu zincani khulu. Zizombezelisa ubulwembu bazo ngaphasi kwekari zimunye umhluzi weentjalo. Iswebu esibomvu siphila kuhle lapha kutjhisa khona begodu zingalawulwa ngokuspreya ngaphasi kwekari elimanzi.I-Aphid
Hlanganisa amanzi kanye ne-sunlight ehlaza wenze igwebu elincani.Ungasebenzisi i-Sunlight Liquid nanyana iinsibha ezimumethe amakhemikhali, kodwana i-sunlight liquid ilungile.
Faka ispontjhi nanyana itjhila elincani emanzini anesibha usule ngokutjheja i-aphid esesitjalweni. Phinda wenze ngendlela le kathathu ngelanga. I-ladybird idla i-aphid begodu ivamise ukuhlala emathuthumbeni womhlaza, i-fennel kanye ne-coriander.
Iintjhontjhwani kanye Nomuhlwa
Iinunwanezi azidli iintjalo kodwana ngesinye isikhathi zithwala i-aphid. Umuhlwa ulilunga lomunye umndeni elidla iingodo ezifana ne-mulch, iindindi zomuthi, nanyana iziqu zomuthi ngitjhi nefenitjhara kanye nefluru eyenziwe ngeengodo.Umneke
Iminenke idla ebusuku. Ithanda iindawo ezipholileko, ezimanzi begodu zizifihla ngaphasi kwenzibi. Qiniseka bona indawo ekukhiqizelwa kiyo ihlala inhlwengekile, inganawo amakari afileko kanye nezinye iinzibi.
Thela umlotha nanyana iinqephu zamaqanda uzombelezise iintjalo, lokhu kuqotha iminenke. Amaqephe wamaqanda ahlabako ona imizimba yeminenke ethambileko, itswayi elinganalitho elidliwako nalo liyayibulala iminenke kanye nezinye iinunwana ezithambileko, kodwana nawungafaka elinengi lizokona ukuvunda kwehlabathi.
I-Nematodes
I-nematodes zinunwana ezincani ezizimbungu ezimapharasayidi ezimunya umhluzi wemirhabhu yeentjalo. Amaqandazo akha amaqa ngaphasi kwemirabhu ekwenza bona kubebuthaka ukukhula kweentjalo Amaqa la angabanga bona iintjalo zife, i-mulch, ikhompowusti, kanye neemvundisi ezenziwe ngaphandle kokusebenzisa amakhemikhali zikhiqiza iinunwana eidola ama-nematodes.
Ingavunwa nangesikhathi sokubloma begodu nispreyiwe njenge-spreyi. Igciwani le-bacteria ebizwa bona yi-Streptomyces idla ama-pathogen afana ne-nematodes kanye ne-phylloxera esehlabathini begodu zizindakamizwa ezitlolisiweko ezingasetjenziselwa ukuqotha i-nematodes.
I-Cutworms
I-cutworm idla iintjalo ezincani ezincani eziphasi. Yemba ngokutjheja ngomunwakho ehlabathini ozombeleze isitjalo uzokuthola isibungu esisalomtha ngombala ezizigobileko.
Amaqephe wamaqanda angagaywa ebesapuphu athelwe magega nama-plantjies ukwenzela ukuqotha iimbungwezi. Isobho ye-cutworm nayo ingenzlwa ukuqotha iimbungu zomhlobo we-cutworms Tjheja iresibhu yokulawula iinunwana zemvelo.
I-Month Yekhabitjhi Neminye Imihlobo Yama-Months
I-month yekhabitjhi ibekela emaqandeni kanye nemakarini wekhabitjhi. Zalisa ikawosi elidala ngehlanganisela yeflowura kanye netswayi utlukutlele emakarini wekhabitjhi. Kutlhogeka ihlanganisela encani kwaphela ngaphasi nnangaphezulu kwekari. Sika amakari wetamati uwabeke uzombelezise isitjalo esonakeleko nanyana uhlanganise itelebhula encani yetiye enetswayi kanye ne-2 litres yamanzi uzokuspreya ngawoAma-Beetles
Linga ukususa ama-beetles eentjalweni ngokuwaspreya ngebilibili nanyana ikonofula. Umhluzi we-beetle ungasetjenziswa nawo ukuqotha amanye ama-beetles.Translated by Busisiwe Skhosana