Ukukhiqizwa kwama-cherry asudu eSewula Africa ayi-0,1 womkhiqizo opheleleko eSewula Africa, nekulinani eliphasi nakumadaniswa newenarha ezifana ne-Chile, lapha imaraga yakhona yepahla ephumela ngaphandle kuyi-China, kanye ne-Argentina, ezikhiphela ipahla ziyisa eenarheni ezifana ne-USA.
Yi-22% yomkhiqizo wama-cherry weSewula Africa othunyelwa eenarheni ezingaphandle, kube mkhiqizo oyi-56% kwaphela wama-cherry otlhogwa enarheni le. Umkhiqizo oyincenye weSewula Africa othunyelwa eenarheni ze-UK.
Umkhiqizo we-Sewula Africa wama-cherry uyakhula, ngamahagere anyuka nge-78% kusukela emahagereni ayi-221 ukuya kwayi-388 hlangana konyaka ka-2013 kanye no-2018. I-40% yentjalo zama-cherry eSewula Africa zatjalwa ngonyaka ka-2017 kanye no-2018.
Umkhiqizo wama-Cherry Ephasini
Ama-cherry asudu, ama-Prunus avium, adabuka enarheni yange-Europe, Turkey, Africa kanye ne-Asia begodu nambala ezinye zenarha ezikhiqiza ama-cherry aqakathekileko ezifana ne-Poland kanye ne-Turkey, zikhona lapho. Zintathu iinarha ezikhamba phambili ngokukhiqiza ama-cherry wokubhaga yi-Russia, Turkey kanye ne-Ukraine.
Kusukela ngonyaka ka-2001 umkhiqizo wama-cherry asudu ephasini ungezeleleke nge-52%, i-Turkey yona ilobe ubujamo bayo njengenarha ekhamba phambili ngokukhiqiza ama-cherry ephasini ngonyaka ka-2016 lokha i-Chile nasele ithatha indawayo. Amanye amalunga wenarha ezihlanu ezikhamba phambili yi-USA, Uzbekistan kanye ne-China. I-Sewula Africa isebujameni besi-34 ngonyaka ikhiqiza umkhiqizo omatani ayi-1000 wama-cherry.
Inani lama-cherry akhiqizwako sele likhula enarheni ye-Chile. Sele linyuke nge-353% eminyakeni eyi-16 kuze kube ngonyaka ka-2016 sele bukhuphuke bafika ebujameni benarha ezilisumu ezikhiqizako nezikhamba phambili ngokukhiqiza ama-cherry ephasini, begodu inarha le sele kungiyo ekhipha ama-cherry ngobunengi iwasa, eenarheni ezifana ne-Asia begodu isabalalisa i-80% yama-cherry adliwa e-Chine. Ngonyaka ka-2016, bakhiqiza i-26% yomkhiqizo wephasi wama-cherry kwathi ngonyaka ka-2018/19 bakhiqiza amatani ayi-150 000.
Ukukhula komkhiqizo we-China kwarara khulu. Ukukhula komkhiqizo owadlula i-1 800% eminyakeni ehlangana kwaka -2001 kanye no-2016 sele kwenze bona i-China idlale indima ekulu, ngokubanamasimu anemihlobo yama-cherry angaphasi kwehagere ukuya emasimini amakhulu anemithi eyi-1000 000 etjalwe yahlanganiswa. Enarheni ye-China ukutjalwa kwemithi-cherry kuma-grren house kuqiniseka kobana iinthelwezi zibakhona ngaso soke isikhathi nanyana kungasiwo isikhathi sawo.
Kuqatjangwa kobana i-China hlangana komnyaka i-2018/19 yakhiqiza okungasenani amatani wama-cherry ayi-210 000.
Ngokuya ngokomnyango wezelimo we-United States i-United States Department of Agriculture (USDA) umkhiqizo wephasi wama-cherry wonyaka ka-2018/2019 gade uhlangana kwamatani ayi-3.3 million, ekumatani ayi-156 000 angezeleleleweko. Ukungezeleleka kwamatani ayi-30% kuhlahlukwa kobana inarha ye-Europe izokukhiqiza amatani ayi-30% khulukhuluu e-Poland.
Iindawo Ezikhiqiza ama-Cherry eSewula Africa
Ubujamo bezulu besifunda se-Free State magega nendawo ze-Ficksburg, Clocolan kanye ne-Fouriesburg ne-Ceres esesifundeni se-Western Cape - ubusika obumakhaza, ihlobo elingatjhisi khulu kwenza bona lezi kube zindawo ezilungele ukukhiqiza ama-cherry eSewula Africa.
Ubunengi bama-cherry, i-71% yawo akhiqizwa esifundeni se-Western Cape, i-13% yawo esifundeni se-Free State kuthi i-10% yawo ikhiqizwe esifundeni se-North West.
Umkhiqizo opheleleko wama-cherry eSewula Africa gade umatani ayi-1 024 ngonyaka ka-2018/19.
Iimaraga zama-Cherry
Yi-55% yama-cherry weSewula Africa athengiswa emavikilini kanye nemarageni. I-22% ithunyelwa eenarheni zangaphandle, kuthi angaphasi kwe-10% alungiswe. Ijwanisbhege kanye ne-Durban ngizo iindawo ezithengisa ama-cherry khulu, indawo ngayinye ithengisa i-33% yomkhiqizo wama-cherry. Ipitori ithengisa i-21% kuthi iKapa ithengise i-9% yama-cherry enziwe eSewula Africa.
Hlangana kwama-cherry akhitjhelwa ngaphandle, i-50%, iya e-UK, i-24% e-Middle East, i-16% iye e-Europe kanye ne-Russia. Ezinye iimaraga ezithola imikhiqizo yama-cherry weSewula Africa ngezinye iinarha ze-Africs kanye ne-Far East lapha inarha ngayinye ithola i-3%.
Translated by Busisiwe Skhosana