Tinta Barocca

© Glenneis Kriel

Ihlathululo

I-Tinta Barocca mhlobo wamaderibe wewayini ebovu nesetjenziselwa umkhiqizo wama-fortified port style wines nofana lawo abovu omileko. Ususelwa ukusuka emvangweni ophakathi kwe-Marufo kanye ne-Touriga Naçional.

Imvelaphi/Indabuko

I-Tinta Barocca indendabuko yokusuka e-Douro valley eseTlhagwini ye-Portugal, lapho imbewawo yokuthoma yakhethwa ngabo-1899.

Amanye Amagamawo

Begade waziwa ngokuthi yi-Tinta Barroca, Baroccas, Boca de mina, Tinta das Barrocas, Tinta gorda, Tinta grossa kanye ne-Tinta vigaria.

Umkhiqizo weSewula Afrika

I-Tinta Barocca yangeniswa enarheni ukusuka e-Portugal ngeminyaka yabo-1920s. Ekuthomeni begade kunabatjali bawo ebegade bawuhlangahlanganisa ne-Shiraz, kodwana ngemva kokuvezawa kweemphoso zabo bathoma basebenzisa umhlobo lo ukukhiqiza umhlobo wewayini ephuma phambili emhlabeni yama-port-style wines.
Ukungakaqinisekiswa kokudingeka komhlobo wawa-port-style wines, eminyakeni eminengi eyadlulako kwenza bonyana abatjali beSewula Afrika benze imivango yezinga eliphezulu kanye nomhlobo ongakavangwa ngawo amaderibe la.
ISewula Afrika inomlando omude womkhiqizo we-Port, kodwana begade ingakavumeleki bonyana isebenzise i-Port lebel ukusuka ngoTjhirhweni 2012 ngemva kokutlikitla isivumelwano sokurhwebelana ngezelimo ne-European Union. Ukusuka ngaleso isikhathi, umhlobo we-port-style wines yeSewula Afrika wafakwa emabhodlelweni ngaphasi kwe-Cape yokuthoma, ukulandela umhlobo obengofaneleko.
Ngokuya ngabakhiqizi i-Cape Port Producers Association,I-lebel ye-Cape White isetjenziselwa ukwenza amawayini womhlobo we-fortified enziwe ukusuka emhlobeni we-non-muscat, afana ne-Chardonnay, Chenin blanc nofana i-Verdehlo,kuthi i-Cape Pink ibekelwe ngeqadi ukwenza umhlobo i-fortified rose kanye ne-pink hue. Yombili imihlobo le idinga ukujiya nofana ukuvuthwa iinyanga okungasenani ezisithandathu ukuze ilungele imihlobo le yamawayini.
I-Cape Ruby label isetjenziselwa imivango emincani, amawayini anothileko kanye nama-fruity fortified wines. Uyahluka kileyo ebizwa nge-Cape Tawny ngendlela engaba okungasenani siquntu sewayini esetjenziselwa ukuyenze bonyana ibeneenyanga ezisithandathu zokuvuthwa begodu akusese minyaka emithathu ebekiweko.
Ekhabolakhona okungasenani kufanele iwayini ibe namaphesende amatjhumi abunane asetjenziselwa ukwenza i-Cape Tawny begodu kufuze ikhule beyibe minyaka esithandathu. I-Cape edala nofana i-Vintage Tawny nayo kufuze ibe yidala ngeminyaka okungasenani esithandathu, kodwana kufuze enziwe ngamaderibe avunwe ngomnyaka owodwa – ngamanye amagama kufuze kube yi-single vintage.
I-Cape Late Bottled Vintage label isetjenziselwa amawayini ajiyiswe nofana abibhwe nge-oak barrel nofana ebhodlelweni iminyaka emithathu, nangesikhathi sokuvuthwa ngaphakathi kwe-oaken cask isikhathi esingaba minyaka emibili. Amaphesende amatjhumi abunane nahlanu wewayini angebhodlelweni kufuze azele umhlobo ongakavangwa emnyakeni we-single vintage.
I-Cape Vintage isetjenziselwa amawayini amnyama ukusuka kilawo angakavangwa we-vintage evuthiswe isikhathi esimunyaka, kuthi i-Cape Vintage Reserve isetjenziselwa lokho abakhiqizi abakuthatha njengomhlobo oyi-superior Cape Vintage wines.

Umkhiqizo Weemphande

Indawo engaphasi komkhiqizo we-Tinta Barocca eSewula Afrika ingaphezu kwesiquntu ukusuka ngo-1980s, ngebanga lokungakanzinzi kokudingeka umhlaba woke kwe-port style wines. Nanyana inani lamahegere litholakala eendaweni ezinengi zomkhiqizo nje, amasimu amakhulu atholakala e-Swartland, Little Karoo kanye ne-Stellenbosch. Iindawezi ziphethe amakotara angaba mathathu wenani loke lomkhiqizo we-Tinta Barocca enarheni le.

Ukukhula Nokuthela

Kumhlobo okhula ngamandla kanye nowokukhakhaba phasi begodu inani lomkhiqizo wamandlawo ubalelwa ukusuka ku-16 t/ha to 20 t/ha.

Ukuvuthwa

Amaderibe avuthwa phakathi esikhathini sonyaka, ukusuka phakathi kwenyanga kaNtaka.

Amamomori

Amamomori anesilinganiso sobukhulu esiphakathi, mafitjhani begodu anombala onzima. Amakelwawo aqinile, kuthi ingaphakathi lawo libe namanzana kezinye iinkhathi.

Amakari

©Glenneis Kriel
Amakari wona makhulu, arondo iincenye zesiphetho sezizoke zineempenda entathu begodu anombala ohlaza okukhanyako.

Iintjhabalalisi kanye Namalwelwe

I-Tinta Barocca ihlukunyezwa kukonakala okubizwa nge-downy kanye ne-powdery mildew.

Umsebenzawo

Umhlobo lo usetjenziselwa umkhiqizo we-port-style kanye newayini ebovu eyomileko.

Inambitho

Amabala wamawayini akhamba ukusuka embaleni obovu okumnyama ukuya pheze konzima kanye nokukhiqiza inambitho lamamomori kanye nelenthelo.

Translated by Johannes Nkosinathi