Iprogramu Yokupha Imbuzi Zebisi Ukudla

© Susan Schoenian University of Maryland Extension
Ngaphambi kokuthenga imbuzi zebisi ozozifuya, kuqakathekile ukuhlela iprogramu yazo yokudla. Imbuzi zebisi zingabekwa ngaphandle isibonelo ehlathini, nanyana ngaphakathi isibonelo eembayeni ejaridini.

Ukuphiwa Kwembuzi Ezifuywe Ngaphandle Ukudla

Imbuzi ziyifuyo edla utjani begodu zithanda ukukhambakhamba zifune ukudla njeke zirhona ukusebenzisa utjani kanye nemitjhana. Lapha zifuywe ngaphandle, ikhwalithi kanye nobunengi bamadlelo wemvelo kuvamise ukubangunobangela wokobana zizokukhiqiza ibisi elingangani. Umkhiqizo webisi ekhiqizwa yimbuzi edla amadlelo wemvelo uvamise ukubaphasi nanyana ibisi livamise ukuba lincani okurholela ekutheni zimunyise iskhathi esincani.
Eendaweni ezabelwanako, imbuzi zivamise ukuba ngaphandle emini zidla imitjhana yemvelo, utjani kanye neensalela zeentjalo. Ebusuku zingabekwa esbayeni, lapha zizokuthola ukudla kokuzaliselela okufana nehayi, straws kanye nama-concentrates.

Ukuphiwa Kwembuzi Ezifuywe Ngendlini Ukudla

©Susan Schoenian University of Maryland Extension
Lapha zibekwe ebujameni obungaphandle, imbuzi zebisi zingabekwa emadlelweni alinyiweko nanyana kusistimu yezindlu nanyana yenkampa. Amadlelo alinyiweko atlhoga ukuthelelelwa ngombana izulu lemvele eSewula Africa alineli ukobana kungabanesiqiniseko sokobana kuzokuba namadlelo unyaka woke. Lokha usebenzisa ikampa evulekileko, imbuzi kufanele zivikelwe ekutjhiseni kanye nezulwini.
Iimumathi zokudla kwembuzi kufanele zilethe amabanga aneleko wokobana zirhone ukudla angaba yi- (0.3 - 0.5 m qobe mbuzi) ama-Concentrates angezelela umkhiqizo webisi. Asetjenziselwa ukuzaliselela ikhwalithi yo kudla kweembuzi kanye nokungezelela nomkhiqizo webisi lembuzi.

ama-Concentrates

Amandla kanye namaprotheyini wama-concentrate aya ngekhwalithi kanye neleveli yomkhiqizo webisi, isigaba sokumunyisa kanye nobudla bembuzi.
Amandla kanye nentlhogeko zamaprotheyini zivamise ukubaphezulu lokha nazisathoma ukumunyisa lokha umkhiqizo webisi uphezulu kuthi ube phasi ekupheleni kweskhathi sokumunyisa. Liya Ama-concentrates asatjalaliswa yibubulo lokudla ayabiza.Inani okufanele uziphe lona liya ngomkhiqizo webisi. Ukuzipha ama-concentrates aneleveli ephezulu ngeze kwabiza begodu kungarholela ekubeni ziphathwe mathumbu ngombana imbuzi kanye neenkomo zitlhoga ukudla kweenkomo okuncani.
Nakurhonakalako bona uthole isphila, amaprotheyini kanye namaminerali wokuzenzela ukudla kwazo zenzele. Kodwana kuqakathekile bona i-nutritionist enelwazi nethwasisiweko ikwenzele ihlanganisela le. Abafuyi bembuzi abasathomako, kuvamise ukubalula ukuthenga ukudla kwembuzi zebisi ebubulweni elikuthengisako kunokuzenzela.

Ukuzombeleza Kwebisi Lembuzi

Ukukhiqizwa kwebisi kuthoma ngemva kokubana ithole iputwana, ukuya ngefuzo kanye nokobana idla njani, ingamunyisa amalanga ahlangana na-240 kuya ku-300. Iimbuzi ezifuywe ngaphandle zimunyisa iskhathi esifitjhani nekumalanga ahlangana nayi-150 kuya ku-180 okwenziwa yifuzo engasiyihle nokungadli kuhle.
Ukudla kwembuzi kwekhwalithi okufana ne-lucerne kanye nehayi (ezele emaprotheyini) kufanale ziphiwe imbuzi ezimunyisako kubehlangana ne-40 - 60% ekudleni kwaqobe malanga. Inani lama-concentrates liya ngokobana ibisi elikhiqizwa yimbuzi lingangani. Imbuzi i ekhiqiza ibisi elinengi ngekhiqiza 4 – 5 yamalitha qobe lilanga itlhoga okungasenani 3-4 yamakhilogramu wokudla.
Ehlanganiseleni yama-concentrates ahlangana na-40 - 60% isibonelo 1.2 ukuya ku- 1.6 kg ukuya ku-1.6 to 2.4 kg yembuzi ngayinye qobe lilanga. Imbuzi zebisi ezikhiqiza ibisi elincani zingaphiwa ama-concentrates amancani.

Ukuphiwa Ukudla Kwembuzi Zebisi Ezingamunyisiko

Nakunganamandla aneleko ekudleni lokha sele isesigabeni sokugcina sokumitha nalokha iqeda ukubeletha, amafutha abekiweko azokusetjenziswa. Lokha itlhogakalo iphezulu imbuzi izithwele imibungu ayahlukeneko/ amawele isbindi singagandeleleka, imbuzi ingenwe bulwelwe obobizwa bona yi-ketosis (“pregnancy toxaemia”) ekufanele ilatjhwe khonokho.
Tjheja: ilwazeli nglokufundisa lenzwe ngomqopho wokufundisa begodu akukafaneli uthathwe njengeseluleko sokuzipha ukudla. Ukufumana ilwazi elizeleko kokuphiwa kweembuzi zakho ukudla thinta udorhodere wakho weenlwane nanyana umthengisi wokudla kweenlwane.

Translated by Lizzy Shongwe