Imiraro Yeskhumba Semfarigi - kanye Nokutjhiswa kwaso Lilanga

©Glenneis Kriel

Ifarigi enepilo ngehlwengekileko, eneskhumba esithambileko. Ngokuya ngekwemanuwali yabakhiqizi bemfarigi i-Pigs for Profit. Kunento engakalungi ngeskhumba sefarigi lokha nasibaphephuli nanyana siva bomvu, sivulekile, silimele, sopha, siphuma ubomvu, sinenkhokho, sinamapetjhi anganaboya, kunamapharasayidi abonakalako begodu nalokha iimfarigi zisolokho zibonwa zizinghwaya ngeboda nanyana ezinye izinto zilinga ukususa ukulunywa. Nobunje ubujamo obumbalwa obungabamba iskhumba semfarigi.

Ukulimala

©Dr Jim Robinson

Iinlonda, iskhumba esiphukileko, ubomvu kanye nempukani ezihlezi endaweni encani emzimbeni wefarigi kungabangelwa kukobana gade ilwa nenunwana nanyana ukulimala nanyana zizinto ezihlabako, ezifana nempikiri, amadrada nanyana iimpende zezinto ezihlabako.
Ukuzelapha
Iinlonda kufanele zihlwengiswe ngesibulali magciwani besilatjhwe ngespreyi senlonda ezifana ne-iodine nanyana i-gentian violet. Abafuyi kufanele bangaminyanisi iimfarigi, ngombana lokho kungenza bona zilwe. Iimbaya kufanele zihlolwe ngaso soke iskhathi kususwe nanyana kulungiswe izinto ezingenza bona zilimale.

Ukutjhiswa Lilanga

Iimfarigi ezineskhumba esimhlophe ziyazwela elangeni, okurholela ekutheni iskhumba sazo sibe bomvu ngesinye iskhathi siphume amabhamuza. Lokha iimfarigi zitjhiswe lillanga khulu zingagula zibanjwe yi-heat stroke, zibenamatjhwayo wokugandeleleka ngokomkhumbulo, ziphefumulele phezulu, imisipha yazi iqhaqhazele, iskhumba sibe bomvu, zibesbaga, zihlanye, zirhude, zome begodu zibe nomgomani. Iimfarigi zingafa zibulawe mtjhiso nange zingalatjhwa ngeskhathi.
Ngokuya ngokwencwadi ye-National Animal Disease Information Service (NADIS), Pig Health – Sunburn and Heat Stroke/Heat Stress, ukutjhiswa lilanga kungahlanganiswa nobunje ubujamo obungabanga iskhumba kobana sibe bomvu kanye namabhamuza, ezifaba nokuzwela okubangwa kutjhiswa lilanga okubangelwa ngezinye iintjalo ezinetjhefu, isibonelo istjalo se-parsnips, umhlaza, i-parsley, rape kanye nezinye.

Ukulatjhwa
Ukukhandela ukutjhiswa lilanga kanye ne-heat stroke, ifarigi ngayinye emhlambini kufanele zithole umthunzi owaneleko kanye namanzi ahlwengekileko apholileko wokusela. Idaka, lemfarigi ezihlala ngaphandle, kungazivikela elangeni nange umzimba wazo woke uvalwe lidaka.
I-NADIS uphakamisa bona kusetjenziswe i-resue cream nanyana ama-emollient ukupholisa ubuhlungu emfarigini ezitjhe khulu begodu kusetjenziswe iinhlanhla zokubulala ubuhlungu lokha nazitjhe khulu.
I-Pig Site kanye ne-Quick Disease Guide yayo, iphakamisa bona abafuyi belaphe iimfarigi lokha nazibanjwe yi-heat stroke ngokobana bazifake emanzini nanyana bazispreye ngamanzi amakhaza emathunjini ngokusebenzisa i-flutter valve.

Translated by Busisiwe Prudance Skhosana