Ukuthengwa kwe-Tilapia kuyakhula iphasi loke begodu idliwa khulu emarestjurente, emkhakheni yokuthengisa, emikhumbini, eembedlela neenkolweni. Ithengiswa ifretjhi nofana irhahlile (epheleleko ehlaza) neminye imikhiqizo efana nama- parmesan-crusted portions nama-fish fingers nokudla kwezinja okukheniweko.
Eminye imikhiqizo eyenziwe ngomkhiqo we-tilapia mafutha wokupheka nokudla kweemfesi. Ngonobangela wokukhula kokubanjwa kweemfesi zemanzini khulu namanani aphezulu wamafutha enziwe ngeemfesi zemanzini, iimfesi ze-tilapia zingadliwa esikhundleni somhlobo weemfesi we-hake. Amanani wokuthenga i-tilapia akasiphezulu khulu begodu abathengi bangakgona ukuyithenga. Amafutha we-omega-3 abuya eemfesini ze-tilapia asetjenziselwa ukuregisa ijuzi ye-orentji ne-Honduras biodiese yenziwa ngeminye imikhiqizo ekhiqizwe ngomkhiqizo we-tilapia.
Imikhiqizo Eyenziwe Ngesikhumba se-Tilapia
Ipahla eyenziwe ngesikhumba se-tilapia sekuyi indastri yeqadi ekhambelana nezefuyo yemanzini i-aquaculture enarheni ye-Brazil. Isikhumba se-tilapia singabekwa elangeni somiswe begodu sipendwe ngemibalabala eyahlukahlukeneko bese kwenziwe imikhiqizo efana namabhande, imigodla neempahla.
Okhunye okuqakathekileko ngemikhiqizo ekhiqizwa ngomkhiqizo we-tilapia yi-collagen ekhitjhwa ngaphakathi kwesikhumba sefesi; iinarha ze-Europe zalisa ukusebenzisa i-collagen ebuya eenlwaneni ezikhipha ibisi ngonobangela wokusaba isifo seenkomo esibizwa nge-mad cow disease, ngokuya kombiko weYunivesithi ye Arizona ngonyaka ka 2008. Okhunye, i-collagen yeemfesi ingasetjenziselwa ukulungiselela okubizwa nge-time-release yeenhlanhla.
Ogade asebenza nabanye abenza iinhlahla eYunivesithi ye-Califonia, uDavis wasebenzisa isikhumba se-tilapia njenge-biological bandages ngepumelelo ukulapha iinlonda zokutjha eenlwaneni zemanngweni. Amano laa asetjenziswa nenarheni ye-Brazil lapho iinsetjenziswa zemtholapilo zizincani ezikatelela bona abodorhodere basebenzise isikhumba se-tilapia ukupetjha isikhumba sabantu abatjhako.
Ukudliwa Kwe-Tilapia eSewula Africa
Ngonobangela wokobana bancani abantu abadla inyam yeemfesi eSewula Africa begodu abathengi abanalwazi nge-tilapia, umhlobo weefesi lezi awakabi ukuduma eSewula Africa. Abathengi abanengi abathengA iimfesi ze-tilapia ngilabo ababuya kezinye iinarha abahlala nofana abasakweriye eSewula Africa begodu nabathengi abanemali abadla ukudla okunepilo okuneinyama yefesi. I-tilapi ithengiswa sitolo esikhulu i-Woolworths.
Ukuthengwa nesidingo se-tilapia sitjengisa ukukhula, khulukhulu njengoba ingajamela isidingo seemfesi ze-hake njengombana inyama yazo ifana begodu ibiza inani eliphasi.
Ukuthengiswa Kwe-Tilapia Ithengiselwa Ezinye Iinarha
Ngokuya ngokwe-Department of Agriculture, Forestry and Fisheries (DAFF) Aquaculture Handbook 2016 iSewula Africa yathengisela iinarha zangaphandle i-tilapia engabamathani angu 325 wenani elilingana ne R3.5 miliyoni ngonyaka ka 2015. Iinarha ezinthathu zangaphandle ekuthunyelwa kizo khulu umkhiqizo weemfesi ze-tilapia zeSewula Africa yi-Botswana (196 yamathani), i-Democratic Republic of Congo (79 yamathani) ne-China (22 yamathani).
Umthamo wama-tilapia athunyelwa eenarheni zangaphandle ukhule nga 323 % ngesibanga sokukhula kwepahla ebuya kwezinye iinarha nokukhula kwenani labafuyi be-tilapia eSewula Africa.
Translated By Busisiwe Skhosana