Ditšweletšwa tša Tilapia le Badiriši ba Tilapia

Tirišo ya tilapia e gola lefaseng ka bophara gomme e hwetšwa ka diresetšurenteng tše kgolo, lefapheng la kgwebo ka dikepeng tša banamedi, ka dipetlele le dikolong. E rekišwa bjalo ka hlapi e foreše goba ye e tšidifaditšwego (ka moka, e sego ya go šongwa) bjalo ka ditšweletšwa tša go šongwa kudu tša go swana le dikarolo tše di khupeditšwego ka legogo le menwana ya hlapi gammogo le dijo tša ka bolekaneng tša katse.
Ditšweletšwa tše dingwe tša go tšwa ka intasetering ya temothuo ya dijo tša hlapi tilapia le oli ya hlapi. Ka lebaka la go oketša theo ya go fetelela ya dihlapi tša mehuta ya diphedi tša ka lewatleng le ditheko tša godimo tša dioli tša dihlapi tša ka lewatleng, tilapia ye e šongwego e ka ba ye e tšereng legato la mehuta ya dihlapi tša ka lewatleng go swana le heike. Tilapia ke setšea legato sa boleng bjo bo kaone. Oli ya omega-3 go tšwa go tilapia e šomišetšwa go maatlafatša matutu a namune gomme ka Honduras disele ya tlhago gape e fihleletšwe bjalo ka setšweletšwa sa bolemi bja tilapia.

Ditšweletšwa tša Letlalo tša Tilapia

Diphahlo tša tilapia tša mokgopha di thomile intasteri ya ka thoko ya temothuo ya tša meetseng ka Brazil. Letlalo la tilapia le ka dirwa botsothwa le go fa mmala gomme le šomišwa ka ditšweletšweng tša mokgopha go swana le mapanta, dikhwama tša tšhelete le diaparo.
Setšweletšwa sa ka thoko se sengwe se bohlokwa go tšwa go tilapia ke kholatšene ye e kgobokeditšwego go tšwa ka gare ga matlalo a dihlapi; dinaga tša Yuropa di ile tša sepelela kgole le kholatšene go tšwa diamošing ka lebaka la dipoifo tša bolwetši bja kgomo ya go gafa, go ya ka pego ya 2008 ka Yunibesithi ya Arizona. Gape, kholatšene ya hlapi e ka šomišwa go beakanya dimakasene tša time-release.
Ngaka ya diphoofolo ye e kopantšwego ya Yunibesithi ya California, Davis o šomišitše matlalo a tilapia bjalo ka dipantetši ka katlego go alafa le dintho tša go swa mo diphoofolong tša lešoka. Mokgwa wo o be o šomišwa gape ka Brazil moo didirišwa di le go tša go lekanyetšwa e hlohleleditše dingaka go šomiša letlalo la tilapia ka letlalo leboelela go swana go batšwasehlabelo ba go swa.

Go ja Tilapia ka Aforika Borwa

Ka lebaka la go setšo sa ja hlapi sa go lekanyetšwa ka Aforika Borwa le badiriši ba sa tsebe le go se rutege ka tilapia, hlapi ye ga e eso ya tuma ka Aforika Borwa. Karolo ye kgolo go feta ya badiriši ba tilapia ke batšwantle bao ba dulago ka Aforika Borwa, gammogo le badiriši ba maemo a godimo baa ba tlwaetšego dihlapi ka phepong ya bona. Tilapia e rekišwa ka lebenkele le legolo Woolworths.
Nyakego ya tilapia e bontšha kgolo, kudukudu ka ge go e tšea legato la heike ka lebaka la go swana ga nama le ditheko tše kaone.

Diromelwantle tša Tilapia

Go ya ka Kgoro ya Temo, Kagodikgwa le Boruahlapi (DAFF) Puku ya Temothuo ya Tša Meetse ya 2016 Aforika Borwa e rometše ntle ditone tše ka bago tše 325 tša tilapia ka boleng bja R3.5 milione ka 2015. Mafelo a mararo a godimo a go fapafapana diromelwantle a tilapia a Aforika Borwa e be e le Botswana (ditone tše 196), Democratic Republic of Congo (ditone tše 79) le China (ditone tše 22).
Bontšhi bja diromelwantle tša tilapia bo oketšegile ka go ka ba 323% ka baka la koketšego ya ditšwantle le koketšego ya palo ya balemirui ba tilapia ka Aforika Borwa.

Translated by Lawrence Ndou