Ayikahlobani nezambani lekhaya, i- African wild potato/(ikofe) (Hypoxis hemerocallidea) lihlotjaniswa nethuthumba i-lily begodu liqinile alisabi nesomiso, liyizambani lendabuko yalapha eSewula Africa. Likhula eenfundeni zeSewula Africa lapha kunezulu lehlobo begodu linamathuthumbo asarulana akheke njengekwekwezi anamakari anoboya.
Abalaphi besintu balisebenzisa njengesihlahla sokulapha igazi elifeyela (njengobulwelwe beswigiri), i-PMS kanye nokwelapha amapharasayidi. Ukusetjenziswa kwalokubalwa ukulizesa njengesihlahla eselapha amatjhwayo akhambelana nobulwelwe bamathambo, psoriasis kanye ne-fibromyalgia.
Ipholisa nemiraro yesikhumba efana ne- eczema, amathuthuva, -ama-stretch mark, amanceba, ukutjha, ikhwekhwe, iinlonda ezibangwa kulala embhedeni isikhathi eside, iintwala, ukutjhiswa lilanga, ukulunywa zinunwana kanye neskhumba esomileko. Isithako salo, i-hypoxoside, sikhutjhwe emirajini yaso.
Linamazinga aphezulu we-sterol kanye ne-sterolin inethako ezilapha ukuvuvuka, esirhona nokuqinisa amasotja womzimba.Ifana ne-cortisone irhona ukulungisa amathitjhu onakeleko beyipholisa imisipha ebuhlungu.
Isebenza njenge-antioxidant erhona ukujamisa ukuluphala. Amathiyori abeke umbono wokobana i- African potato/(ikofe) ingasiza ukulapha i- HIV/Aids/ntumbantonga, ikankere ye-prostate.
Ukwala Kwezemaphilo
Ilwazeli lenzelwe ukufundisa kwaphela begodu akukafaneli bona lisetjenziswe njengesiyeleliso sezepilo. Ilwazeli alikenzelwa ukujamiselela iinluleko zezepilo nanyana ukulatjhwa okunikelwa ngusiyazi wezepilo.Translated by Busisiwe Skhosana