Iinlwane Ezimunyisako zeRichtersveld
Inlwaneni ezimunyisako, iRichterveld inempisi, aardwolf, caracal kanye nengwe mabala (nanyana zingasi zinengi). Uthola nabojakalasi abanzima, i-Cape Fox, kanye ne-fox enendlebe zakamaphelaphelani, Ukatsu womango, kanye nesilwane esibizwa bona yi-zorilla. Hlangana nezinye iinlwane ezimunyisako kubalwa i-meercat, kanye nezinye iinlwane zomhlobo we-mongeese (nanyana i-mangooses). Eduze kwedamu i-Orange river kutholakala iimfene zomhlobo we-chacma kanye ne-vervet.
Abomaphelaphelani, amakhondlo, aborodo, imiqasa, amakhondlo amhlophe, nawo manengi endaweni yeRichtersveld. Eenlwanenezi kubalwa hlangana amakhondlo anemida atholakala emasimini, amakhondlo werholombeni le-karoo, amakhondlo abetha umlozi, anendlebe ezirondo ezakheke njengezendlovu, amakhondlo anamalayini, amakhondlo anemisila emide, amakhondlo wematjeni, imiqasa yeKapa, imiqasa ebomvu, iikwirili zehlabathini nezinye iinunwana. Hlangana nama-gerbils kubalwa i-gerbil yeNamaqua enomsila omfitjhani naleyo enoboya obunengi eenyaweni. Indawo le izele nabomaphelaphelani.
Iinlwane Ezirharhabako
Ama-herpetologist angathaba nakangabona imihlobo yenlwane ezirharhabako ezizele eRichtersveld. Hlangana nazo kubalwa irhuru encani ukuzidlula zoke ephasini ebizwa bona yi-Namaqua nanyana i-Padloper irharhaba eRichtersveld (edala iyi-100mm ngobude) Kutholakala nerhuru ebizwa bona yi-geometric tortoise kanye neNamaqua tent tortoise. Hlangana nenwabu ezitholakala lapha kubalwa umhlobo omkhulu i-Nile Monitor, i-karoo girdled lizard, armadillo girdled lizard, Smith’s desert lizard kanye ne-rare Cape flat lizard.
Inwabu kanye nabomadadayifani, uthola umadadayifani weNamaqua (ohlala ematjeni kunokobana uhlala emithini) kunemihlobo ye-Namib web-footed gecko, giant ground gecko, Smith’s desert gecko, Austin’s dune gecko, kanye nale etholwe mane ehlala emakarini. Nawuqala ubukhulu bayo, indawo le inabomadadayifani abanengi khulu ephasini.
Iinyoka ezisizinengi lapha, kodwana lezo ezikhona ziyingozi. Hlangana nazo kubalwa i-cobra enzima kanye nezinye iinyoka ezihlala erhalawumbeni ekubalwa hlangana i-(puff adder, horned adder, desert mountain adder kanye ne-Namaqua dwarf adder).
Iinrhwarhwa kanye Nenyoni
Azisizinengi iinlwane ezihlala emanzini nehlabathini eRichtersveld, ngombana iinlwane zivamise ukutlhoga amanzi ukobana zikhulise abentwabazo.
Nanyana kunjalo kunemihlobo ebunane yenrhwarhwa, eminengi yayo edume ngokuzivalela ngaphasi kwehlabathi zivele ngemva kokobana izulu line kuhle.
Hlangana kwengrhwarhwezi kubalwa i-Karoo toad, kanye nenrhwarhwa zezulu zeNamaqua ezisengozini yokuphela kanye nomhlobo wenrhwethwe osandukutholwa obizwa bona yi-Paradise toad.
Ukobana iinrhwerhwe zivele ziqubuke ngemva kokobana izulu line khulu, sele kwenze abantu bendawo bona bakholelwe kobana iinrhwerhwezi zithuthelwa esifundenesi mamafu avela elwandle.
Ukungezelela, iinyoni ezimhlobohlobo ezingaba yi-(197) sele zitholwe endaweni ye-Richtersveld Trans-Frontier yokutlhogonyelwa kwemvelo. Zitholwe khulu magega nomlambo we-Orange River, eduze kwehlabathi eyomileko kanye nentabeni.
Hlangana kwazo kubalwa i- the Lanner falcon, Black eagle, Southern pale chanting goshawk, iskhova esinamatjhatjhazi esifubenil, inyoka enzima esfubeni ,ikhozi elidla iinyoka, African fish eagle, Cape eagle-owl, jackal buzzard, rock kestrel, Cape spurfowl, bokmakierie, Namaqua sandgrouse, Cape bunting, Diderick cuckoo, redchested cuckoo, African hoopoe, the Cape bulbul, Redeyed bulbul, tractrac chat, mountain chat, longbilled lark, dusky sunbird, swallowtailed bee-eater, redknobbed coot (ezwakala njengendoda edala esilaphazekileko) iinkonjani ezimbalwa, itje nezinye iinyoni.
Translated by Busisiwe Skhosana