Ihlathululo
I-Grenache Blanc mhlobo wamaderibe wewayini emhlophe adabuka etlhagwini ye-Spain ukusuka lapho anabela khona e-France bekaba ngewesine weemvini etjalwa khulu e-France.
I-Grenache Blanc yaziwa khulu ngendimayo emivangweni ye-Chateauneuf-du-Pape blend. Kumhlobo omhlophe wokutjhuguluka kwe-Grenache Noir begodu akhiqiza iwayini enothe nejiyako ngesidaki esiphezulu samawayini amhlophe.
Imvelaphi/Indabuko
Adabuka enarheni ye-SpainAmanye Amagamawo
I-Grenache Blanc inamagama amanengi – angaphezu kwamatjhumi amabili – ngokuya kwalapho amilele khona. Abuye aziwe ngangokuthi yi-Alicante Blanca kanye ne-Garnatxa Blanca (e-Catalonia).Umkhiqizo weSewula Afrika
I-Grenache Blanc yokuthoma eSewula Afrika yahlonywa ngabo-1990s eplasini elibizwa nge-Delheim eliseduze ne-Stellenbosch kodwana yathulwa ngokwentengo ngabo-1979 lapho begade athathwa njengakarisako asesematjha.Umkhiqizo Weemphande
Iintjalo ze-Grenache Blanc kubonakala zikhuphuka ngenani elingaba yi-20ha (of the 110ha iintjalo sele zizoke) yahlonywa ngo-2016. Kwathi ezitjha ezisandu kutjalwa ezingaba yi-20ha, i-10 ha yahlonywa e-Cape South Coast region.
I-Grenache Blanc itholakala kizo zoke iindawo zamawayini ngaphandle kwe-Tlhagwini Kapa. Abakhiqiza abaziwako ngamaphesende alikhulu (100%) wewayini ye-Grenache Blanc bafaka hlangana i-KWV, Paardeberg kanye ne-Leeuwenkuil.
Ukukhula Nokuthela
I-Grenache Blanc mhlobo othela khudlwana ngesilinganiso esingaba yi-15-20ton/ha kanye nokukhula ngamandla, kodwana ukukhiqiza ngokudluleleko kungarholela ekutlhayeleni kwe-esede emawayinini. Ukuvulwa kwama kari kuyafuneka ukwenzela.
Nanyana akghona ukujamelana nesomiso, angadosa emhlweni ukuthi afeze ukuba ne-esede ehle eendaweni zobujamo obutjhisako. Kumumuthi okhula uphakame nokghona ukujamelana nomoya, i-Grenache Blanc ithela kuhle eendaweni ezomileko emhlobeni wehlabathi enamatje nofana eyisanda. Angamila njengemivini wehlathini nofana amancani asekelwako.
Ukuvuthwa
I-Grenache Blanc idinga ukuvuthwa okude okufuthumeleko begodu angavunwa phakathi esikhathini sonyaka sokuvuna.Amakari
Amamomori
Amamomori wombala osarulana okuvangeke ngombala ohlaza satjani anesilinganiso sobukhulu esiphakathi kuthi iimpakana zamaderibe zibe zikhulu bezibonakala kwanga zirondo ngesakhiwo. Amakelwawo aqinile kanye nelingaphakathi elithambathambileko elinejuzi.Iintjhabalalisi kanye Namalwelwe
Umhlobo lo uhlukunyezwa khulu malwelwe wamagcikwana, yi-grey mould, phomopsis kanye ne-mildew kodwana awukavami ukubanjwa yi-oidium, grapevine ‘grillure’ leaf hoppers kanye ne-mites. Isivinesi asizwani ne-botrytis begodu lokha isimilo nofana imbewu nofana isisetjenziswa nasibanjwe mumulwana lo wenza bonyana amaderibe angatlhurhi begudu lokho kwenza amamomori angakhuli bekungakhiqizeki.Umsebenzawo
I-Grenache Blanc kumhlobo odumileko wamaderibe wemivango kanye nokusetjenziswa emawayinini abizwa ngama-fortified wines enarheni ye-Spain kanye ne-France.
Akhiqiza iwayini yombala wegolide okusarulana yamawayini amhlophe anothileko kanye nanesidaki esingamumatha amaphesende ali-13 -15% ibanga ukoma kwayo, i-Grenache Blanc ohlukunyezwa yi-oxidation begodu ayinakho ukuluphala njengaleyo engakavangwa.
Avangwe neminye imihlobo yamawayini kukhuphula isikhathi angasiphila ngaphandle kokuluphala njengombana asebenza njengesithambiso emivangweni. I-Grenache Blanc ihlangana nemihlobo ebegade yenza i-Rivesaltes Vin Doux Naturel,iwayini emnandi yemvelo eyenziwe ngokungezelela ngebhrendi ehlala engaphezu kelikhulu.
Inambitho
Ukunotha kanye nobuhlaza satjani kwesithelo kubonakala kuba ziindlela eembili zokuhlathulula inambitho le-Grenache Blanc. Elinye ilwazi lifaka hlangana i-fenugreek (or cumin), i-citrus begodu iwayini ihkanganiswe ne-oak, inambitho lamaabhula abhagiweko kanye ne-brioche zitjhejiwe.
I-Grenache Blanc ithandwa khulu enarheni ye-United State ngebanga lenambitho layo, isidaki sayo esiphezulu esimumetheko, kanye nokunotha – okufana ne- Chardonnay nayivuthwe ngokwaneleko emthini we-oak.
Translated by Johannes Nkosinathi