Grenache Blanc

Ṱhaluso

Heyi ndi nḓirivhe tshena i ne ya bva vhubvaḓuvha ha Spain ya kona u phaḓalala i tshi ya France ya vha yone ya vhuṋa kha zwimela zwine zwa ṱavheswa kha ḽa France. I ḓivhelwa mushumo wayo wau ṱanganisa Chateauneuf-du-pape. Ndi nthihi na Grenache noir iya kona u bveledza halwa ho fhelelaho na veini tshena.

Vhubvo

Spain

Manwe Madzina

Ina madzina manzhi vhukuma ane a swika na 20 zwi tshi bva kha hune ya khou hula hone. I dovha ya ḓivhiwa nga ḽa Alicante Blanca na Garnatxa Blanca (kha ḽa Cataloni).

U Bveledzwa kha ḽa Afrika Tshipembe

Ya u thoma thoma kha ḽa Afrika Tshipembe yo wanala mathomoni a ṅwaha wa 1990 kha bulasi ḽine ḽa pfi Delheim ḽi re tsini na Stellenbosch, fhedzi ya kona u thoma u bveledzwa zwa u ita masheleni nga ṅwaha wa 1979 ya do ḓiitela dzina nga uya vha ntswa ya maṱhakheni.

U Bveledzwa kha Madzingu

U ṱavhiwa hayo zwi vhonala zwi tshi khou hula henefha u swika kha 20 ha (kha 110ha ya zwimela zwo ṱavhiwaho.) yo tumbulwa nga 2016. Kha zwimela zwiswa 20ha, 10ha dza wanala kha ḽa kapa. Iya wanala hoṱhe hune ha bveledzwa veini kha ḽa Afrika Tshipembe nga nnḓa ha Northern Cape. Vha bveledzi vha ne vha i bveledza lwa 100% ho katelwa KWV, Paardeberg na Leeuwenkuil.

U Aluwa

I bveledza mitshelo i minzhi (15-20t0n) na hone ya hula zwavhuḓi fhedzi arali i tshi khou sokou ṱavhiwa kha mavu mathihi zwi ya fhungudza nyaluwo yayo. Zwine zwa vha khwiṋe ndi u geredzela mahatsi. Naho i tshi kona u kunda ḓora, zwi aita uri isa ḓise mitshelo ya vhuḓi musi hu tshi khou fhisesa. Iya hula na musi huna muya. I bveledza zwithu zwavhudi arali i fhethu hune ha fhisa kana fhethu ha matombo na muṱavha.

U Kaṋiwa

I ṱoḓa tshifhinga tshilapfu tsha u kaṋiwa musi hu tshi khou rothola i kaṋiwa kha khalanwaha ya u rothola.

Maṱari

©Glenneis Kriel

Maṱari ahone ana tshivhumbeo tsho no nga tsha fhafhu a penya avha matete.

Mitshelo

Ina muvhala wa tshitopi une wa vha u tshi khou ya kha mudala ina tshivhumbeo tsho linganelaho matavhi ndi mahulwane avha na tshivhumbeo tsha tshipulumbu. Lukanda lwa oma avha na muthetshelo mutete wa u ḓifha.

Zwiḽi na Malwadze

I vhaiswa nga maanḓa nga zwivhungu, zwi ya konḓa uri i kavhiwe nga Odium, dzi nzie nadzo dzi a tshinyadza, ya dovha ya vhaiswa nga zwitzhili.

Mushumo

Ndi ndirivhe ine ya ḓivhea nga maanḓa ine ya shuma u ṱanganiswa na dzinwe veini kha ḽa Spain na France. Ine ya kona u bveledza veini tshena ine ya vha na muvhala wa tshitopi ine ya vha ina halwa vhunzhi(13-15%) I dovha hafhu ya vha na minwaha ine ya vha yo gemelwa yone ya u vheiwa hayo sa veini yo ḓiimisaho nga yothe.
Musi yo vanganyiwa na dzinwe zwi fhungudza vhutshilo hayo. Heyi ndi inwe ya dzi veiini dzine dza shuma u ita Rivesaltes vin Doux Naturel, veini ya mvelo ine ya kona u dzula lwa minwaha ino fhira 100.

Muthetshelo na Muḓifho

Yo pfuma ya vha na mitshelo midala hu na ṱhaluso mbili fhedzi musi u tshi i thetshela. Dzinwe hu vha ho katelwa Fenugreek (kana Cunim), Citrus na nga maanḓa arali yo vha yo shumiselwa mbaḓo, iya vha na muthetshelo wa apula ba Brioche.
Heyi veini iya funiwa vhukuma kha ḽa America nga muthetshelo wayo, yo ḓalesa halwa ya pfuma i fana na Chardonnay musi yo no hula.

Translated by Khalirendwe Nekhavhambe