Ngemva kokobana u-Albertina atjhade wangenelwa lithando lezepolotiki. Lokha indodakhe iyozifihla kodwana imdosiphambil wehlangano ye Umkhonto we Sizwe (egade kuliphiko lesijone lehlangano ye-ANC) u-Albertina wasebenzela umdenakhe. Ngomrholwakhe wobuhlengikazi wondla abentwabakhe, wambelekela nezinye iinzukulwani.
Nanyana gade angarholi imali enengi, gade akatelela bona woke umuntu obakweriyeleko adle asuthe nokobana ikhaya lakhe kanye nengadi yakhe zihlale zihlwengekile.
Abobaba abanengi egade balwela ikululeko gade bakateleleke bona babalekele kwezinye iinarha nanyana gade babatjhwa ngesikhathi sebandlululo. U-Albertina Sisulu watjhuguluka waba ngumma wesibili ebantwaneni babakhozi babo egade babhalelwa kukuba nemindeni yabo.
U- Dali Tambo, indodana ka-Oliver Tambo, gade kungomunye wabentwanabo. “Gade angithanda khulu, angibiza ndodana, ngimubiza mma begodu gade angumma wami wesibli, ”watjho njalo. Lokha nagade uMongamel uMandela kanye nomkakhe babotjhwe bobabili eRobben Island gade abatlhogomelela abentwababo, atlhogomela nebakhe.
Imindeni le gade ithandana khulu iminyaka ngeminyaka. U-Albertina wahlala asondelene nebakwaMandela nangemva kokobana ubabawakwakhe ahlongakale, begodu waba ngomunye wabantu bokuthoma abamkweriyelako lokha nakagulako.
Translated by Busisiwe Skhosana
U-Albertina Sisulu, gade bambiza ngethando bona ngumma wesitjhaba nanyana uMaSisulu odume khulu ngokuba ngumma weSewula Africa ogade angakha...
Ibanga uMongameli uMandela alibeka ngokuthabisa abafazaba ngokombono wakhe kwakukupha inakga le isitjhijilo....