Nga murahu ha musi Albertina a tshi mala Walter vho mbo ḓi isa phanda na lutamo lwa zwa polotiki. Musi vha tshi ya u shuma vha sa vhonali vha tshi khou rangaphanḓa Umkhonto we Sizwe (lufhafha lwa tshisole lwa ANC) ho vha ene ane aṱhogomela muṱa wawe. Nga tshelede yawe ya vhuongi akona u ṱhogomela vhana vhawe na vhane vha si vhe vha malofhani na vhaḓulu na vhazwala.
Nga nnḓa ha usa vha na zwishumiswa o vha a tshi ri hu songo ḓa mueni a ṱuwa asongo ḽa na hone na ngade yawe i fanela u dzula yo naka. Vhunzhi ha vho khotsi vhe vha vha vha tshi ḓi dzhenisa kha zwa ulwa na muvhuso wa tshiṱalula vho vha vho ya vhuthubwani kana vha thumbuni ya lukhohe.
Vho -Albertina Sisulu vho sendela vha ya vha vha mme wa vhuvhili kha vhana vha mungane wavho we avha asi khou kona uvha na muṱa wawe. Dali Tambo, nwana wa Oliver Tambo, ovha a munwe wa havha vhana. “a mufha lufuno lu sa fheliho, o vha tshi mmbidza nwana wawe, ndi tshi muvhidza mmeanga aralo.
Musi Nelson Mandela na munna wawe vha khothoni Robben Island na henefho o ṱhogomlea vhana vhawe sa vhawe. Mita hei ya vha na vhushaka vhuhulwane vhune ho lalama na kha mirafho i tevhelaho. Albertina o dzulela uvha tsini na muṱa wa ha Mandela na nga murahu ha musi munna wawe o lovha, nahone vho vha vhanwe vha vhathu vha u thoma uḓa u muvhona musi atshi khou lwala.
Translated by Khalirendwe Nekhavhambe
Albertina Sisulu, musi vha tshi vhidziwa upfi mme wa tshitshavha kana mmeSisulu ndi ngauri vha dzhenelela vhukum kha zwa ulwa na muvhuso wa...
Mbuno dza uri vho- Mandela vho takadza havhala vhafumakadzi ho vha hu muhumbulo wavho....