Mavabyi ya Madiriva - Dead Arm na Botrytis

© Tom Maack

Mavabyi ya Dead Arm

Dead arm i mavabyi lawa ya vangiwaka hi Phomopsis viticola. Swikoweto swakona swikatsa kuva na muhlovo wa buraweni wo dzwihala laha kuhlukaka kona matluka. Switala ku hatlisa swivonaka ekusunguleni ka nguva loko minsinya yisungula ku hluka. Leswi swtisa kulahlekeriwa eka swimilani hikuva swirhabyani swatshoveka hiku olova.

Swirhendzevutani swaxitshopani leswingana vala rantima swivonaka e matlukeni, kambe munhu anga swipfanganyisa na kuvaviseka loku tisiwaka hi khemikali leyi lwisaka switsotswana ya paraquat. Mavabyi ya Dead arm ya lawuriwa kusukela loko mirhi yi hluka kufikela loko yi veka mabilomu. Swirhabyani leswinga hlaseriwa hi mavabyi lawa swifanele ku susiwa hiku tsemiwa hikuva swirhabyani sweswo swinga hangalasa mavabyi lawa.

Botrytis

Botrytis yisungula tani hi vala ra buraweni lerivaka kona eka nhlonge ya madiriva. Madiriva ya sungula ku kwamukela ngopfu ngopfu eka xiyimo lexi ya tsakamaka, yasungula ku furha leswingata vonaka loko kuri na mavala ya mpunwa eka wona.Leswi swivangiwa hi Botrytis cinerea naswona yinga endla leswaku kuva na ku bola nale ka wayeni yobasa leyi endliwaka ya xiyimo xokarhi. Himinkarhi yotala botrytis yi endla leswaku ntshovelo wuva e hansi swinene na tiwayeni tiva na khwalithi yale hansi laha leti totshuka tiva na nantswo woka wungari kahle. Botrytis yinga lawuriwa hikuva ku fafazeriwa mirhi kusukela loko nsinya wuhumesa mabilomu ku kondza kuya fika ntshovelo.

Lawula kusukela loko madiriva yasungula ku vupfa kufikela loko madiriva yatshoveriwa swina nkoka swinene. Kuhungutiwa ka matluka swina nkoka naswona eka kusivela ku tlhuma naku hangalaka hiku olova ka mavabyi. Loko matluka ya tele ngopfu swiendla leswaku nsinya wutshama wukarhi wutsakama leswi endlaka leswaku mavabyi ya olova kunghena. Ndzhawu leyi tsakamaka yi hlohletela vukona bya botrytis. Ku hangalaka kahle ka moya swiendla leswaku matluka ya hatlisa ku oma endzhaku ha mpfula.

Misinya yo leha ngopfu, leyi tsakamaka ya madiriva yihatlisa swinene ku khomiwa hi mavabyi lawa. Se tiyisisa leswaku kunonisiwa ka misava hi manyoro lawa yangana nitrogen swa papalatiwa eka tindzhawu leti nga hlaseriwaka kuhunguta kukula ngopfu ka matluka. Eka masimu lawa yanga hlaseriwa hi mavabyi lawa, misinya yifanele kususiwa yi hisiwa.

Translated by Ike Ngobeni