Lesser Bushbaby
Dzelehani

© Shem Compion

Minwala ya xona yifana swinene naya vanhu handle ka ya xikunwani xavumbirhi lexi xirhisiwaka tani hinwana wo tirhuma. Nwala lowu wotontswa wutirha swinene loko xikurisa vana laha xinwayaka vana vakona laha nhanwini naku basisa tindleve ta vana. Tintiho na swikunwani swibumburile leswaku xita kota kukhomelela eminsinyeni na laha kurhetaka. Kasi rintiho ravumbirhi rikomile swinene eka letinwana leswaku yita kota kukhomelela eka marhavi yoleha. Muhlovo wa xona iwa braweni wovonikela kuya eka mpunwa. Kasi milenge ya xona yina kuva na muhlovo nyana wa xitshopani. Kasi laha matihlweni kuna muhlovo wantima lowu rhendzelaka matihlo ha rinwe ha rinwe.

Swakudya

Manghovo xidya switsotswana, xinantswa mberha na mati ya mpfula lomu kungana kupandzekela.

Kutswalana

Hixitalo manghovo xitswala mahahlwa loko kungase fika nguva ya timpfula, laha xitlhela xitlhelelaka eka timhaka ta masangu loko xiheta kutswala. Eka nguva leyi landzelaka yitala kuva yilandzela himahahlwa nakambe. Xibiha emirini kuringana 125 wa masiku. Xipene xaxisati xikota kuya emasangwini na swipene swa ntsevu nkarhi lowu xinga ringanela kutswala. Lexa xisati xiveka vana vaxona exisakeni xisuka kuya lavela vana swakudya, loko swifanele swisusa vana switirhisa nomo kurhurhisa vana no vaponisa enghozini. Lexa xinuna xitiyisisa nsati wa xona hiku xitsakamisela.

Mahanyelo

Muxaka lowu wa Manghovo wu itiveka hiku tshama emisinyeni laha xitlharihaka swinene navusiku. Switiveka ngopfu hiku tlula tlula ehenhla ka misinya kasi minkarhi yin’wani swifamba laha hansi himilenge yimbirhi kumbe ya mune. Handle ka kuva manghovo lexi xinga tsakeli kuva xihlangana na leswinwana swaxinuna, mahanyelo ya xona aya hambananga na leswi muxaka lowun’wani wa manghovo wu hanyisaka swona. Leswikulu hiswona swifambaka swilava swakudya swilavela vana va kona kambe swikota kuhlangana na leswinwana sworingana ntsevu laha swihlanganaka loko swinga se etlela. Manghovo lexi xina minxaka ya 18 yo vukula leswi wun’wana na wun’wana wungana nhlamuselo ya yona. Xitlhela xiva na mintlawa yinharhu leyi kunga swihlawulekisi eka xona.

Matihlo ya xona aya swikoti ku jikajika laha ka tindololo leswi endlaka leswaku xijikisa nhloko loko xiri kulaveni swakudya. Switlhela swikota kuvulavurisana kahle loko xinwana xivone nala leswaku swita kota kutumbela kahle. Kuvuriwa leswaku swikota ngopfu kutwa laha swikotaka kuva switwa kahle leswaku mpfumawulo wu huma kwihi naleswaku iwa yini. Swifamba famba hiku hatlisa lero swikota no khoma tinjiya loko tiri eku haheni kasi swona swiva swiyime himilenge kasi loko swiri ensinyeni swiva swikhomelele nsinya himilenge yimbirhi. Swi hanya ngopfu na vusiku nokota kulava swakudya.

Vutshamo

Tani hileswi swikumekaka laha kaya, switsakela tindzhawu letinga na mintsandza na la ku nga tlhuma.

Ngopfu ngopfu kusuhi na nambu wa Limpopo nale xikarhi ka Marico na nambu Notwani. Tani hileswi xinga xalaha kaya, xikota ku cinca cinca kuya hi maxelo ya ndzhawu.

Laha Swikumekaka kona

Manghovo lexi xikumeka e Namibia, Botswana, Zimbabwe, Mocambique, South Africa nale Swaziland.

Leswi dlayaka / Valala

Muxaka lowu wa manghovo wu dlayiwa ngopfu hi swikhovha, tinyoka, Ndloti, Nsimba-maxanatsi. Nala lonkulu wa manghovo lexi I ndzilo. Xihadyani lexi axiswikoti kufamba mpfhuka woleha leswi swixivekaka e khombyeni loko kutshuka kuva na ndzilo. Leswi swihlamusela kahle xivangelo xakuva swikumeka eka tindzhawu leti tsakamaka himinkarhi yotala.

Swotsakisa

Tinxaka totala ta maAfrika tiyirisa ngopfu xiharhi lexi hikuva kuna swiyila leswifambelanaka na xihadyani lexi. Leswi swisukela eka leswi xirilisaka xiswona. Kuhleka ka xona naleswaku xivitana tinyoka hiswona swiendlaka leswaku xinga tsakeriwi hi vanhu va Afrika.