Lesser Bushbaby
Klein Nagapie

© Shem Compion

Naam

Klein Nagapie of Less Galagos [Galago moholi]

Die klein nagapie se vingernaels word soos ons eie afgerond, met die uitsondering van die tweede toon wat as 'n roskamklou aangepas is. Hierdie puntige klou word gebruik om die kop- en nekvel te versorg en die ore skoon te maak. Die vingers en tone het plat skywe van verdikte vel wat help om boomtakke en gladde oppervlakke te gryp. Die wysvinger van elke hand is gedegenereer (baie korter as die ander vingers van die hand) om 'n beter greep om groter takke te vergemaklik. Die pels van hierdie spesies is bruingrys tot ligbruin. Die sye en die ledemate neig tot 'n duidelike geel kleur. Daar is merke tussen die oë sowel as 'n donker ring om elke oog.

klein Nagapie Dieet

Die dieet van die nagapie bestaan hoofsaaklik uit insekte en boomgom en hulle sal dou en reënwater lek uit krake en rostsskeure. Dit is nog nie waargeneem dat hulle vrugte vreet nie, maar dis ‘n waarskynlikheid.

Klein Nagapie Voortplanting

Wyfies het ‘n kort bronstigheidstydperk in die winter. Hulle gee gewoonlik geboorte aan ‘n tweeling voor die reënseisoen, wat onmiddellik opgevolg word deur 'n tweede bronstigheidstydperk, en lank voor die aanvang van die volgende droë seisoen word 'n tweede tweeling gebore. Dragtigheidstydperk is 125 dae. 'n Wyfie sal met ses mannetjies tydens die hoogtepunt van haar bronstigheid paar. Wyfies 'parkeer' hul babas in geboude neste terwyl hulle soek na kos, en beweeg hulle weg van gevaar deur hulle in hul monde te dra. Mannetjies sal wyfies merk deur op hulle te urineer.

Klein Nagapi Gedrag

Die klein nagapie, bekend onder wetenskaplikes as Galago Moholi, is 'n klein boomwonende-primaat wat snags aktief is. Hulle is in staat om merkwaardige afstande van een boom na ‘n ander te spring. Soms sal hulle dit op die grond waag deur net op hulle agterpote of op al vier pote te beweeg. Afgesien van volwasse mannetjies wat konfrontasie met mekaar vermy deur individuele territoriums te handhaaf, is hul sosiale stelsel soortgelyk aan dié van die dikstert nagapie. Snags soek volwassenes meestal alleen kos, maar kom bymekaar voordat hulle gedurende die dag gaan slaap in groepe van tot ses.

Hierdie spesies het ten minste 18 verskillende geluide, wat gepaard gaan met bepaalde gedragswyses. Dit behoort tot 3 funksionele groepe en sluit in sosiale kontak, aggressiewe, verdedigende, en ontkenningsgedrag. Hul groot vertroue op vokale kommunikasie is deel van hul oorlewingstrategie by erkenning van 'n vyand. 'N Nagapie se oë kan nie in hul vkaste beweeg nie, en so is die kop voortdurend aktief as hy prooi soek. Hulle het hoogs ontwikkelde gehoor, en hul ore het 'n komplekse reeks voue wat hulle in staat stel om die bron van 'n klank baie akkuraat te posisioneer. Gehoor is akuut genoeg om die sweef van 'n uil te hoor.

Hulle bewegings is uiters vinnig, en hulle kan spingkane en motte in die lug met hul voorpote vasvang, terwyl hulle met 'n agterpoot aan 'n boom vashou. Die klein nagapie wat ook naglewend is, is baie gesteld op sy voorkoms en hulle sal hulleself eers koonmaak voor die nagetlike dowwleaars ekspedisies.

Klein Nagapie Habitat

Die nagapie voorkeurhabitat is die savanna, boswêreld, rivierbosse en die rand van die woude. In die besonder, naby die Limpoporivier tussen die punte van samevloeiing met die Marico- en Notwani-riviere. As 'n Suid-Afrikaanse spesie het hulel 'n relatief hoë toleransie vir temperatuurvariasie.

Waar hulle voorkom

Hulle kan gevind word in Namibië, Botswana, Zimbabwe, Mosambiek, Suid Afrika en Swaziland.

Roofdiere

Hulle word gejag deur die groter uilspesies, slange, rooikatte en klein roofdiere. Die grootste bedreiging vir die klein nagapie is veldbrande. Dié diere is nie in staat om oor baie groot afstande te beweeg nie en kan ernstig bedreig word indien ’n brand die beskikbare voedselvoorraad in hul gebied vernietig. Dit verklaar dalk waarom hulle in die klam en kort gras habitats voorkom: omdat dit 'n vorm van beskerming teen brand bied.

Interessante feite

Baie Afrika-stamme is bygelowig oor hierdie klein primaat - sy gelag en klinkende geluide word toegeskryf aan 'n geheimsinnige reuse-slang met 'n geveerde kop wat in reënboogkleure geklee is, wat die indringers doodmaak deur 'n netjiese gat in hul kop te pik!