Ibonakala Ngani
I-Spoonbill yase-Afrika inezinyawo ezinde ezilungele ukuhamba emanzini. Le nyoni, obude bayo bungamasentimitha angama-90, imhlophe yonke indawo ngaphandle kwasemlonyeni, ebusweni naseziyaweni. Amaphiko aba ngamamilimitha angama -365 kuya kwangama - 400 ubude. Le nyoni ibonakala kalula ngomlomo wayo omise okokhezo. Uma izalwa le nyoni iba nomlomo ocijile, ojikayo umise okokhezo uma ikhula. Umlomo usuke usumise okokhezo uma seyikhule ngokwanele ukuthi ishiye isidleke. Kawukho umehluko obonakalayo kweyesilisa neyesifazane.Zidla Nhloboni Yokudla
Zidla izinkalankala, izinhlanzi, izinhlanzi nokunye okutholakala emanzini.Mayelana Nokuzalana
Ziqala ukwenza amachwane ebusika kuze kube yintwasahlobo (ngoNdasa kuya kuMandulo). Eyesifazane ibekela amaqanda ngoMbaso kuya kuNhlaba. La maqanda aba namachashaza abomcu, ansundu noma aluhlaza okwesibhakabhaka. La maqanda ziwazalela ezidlekeni ezenziwe ngezinti eduze kwamanzi.Ziyatholakala kodwa nasemihlangeni, emagqumeni nasezindaweni ezinodaka. Lezi zidleke ziyaba phansi emhlabathini noma ezihlahleni phezulu kwamanzi. Isidleke sivame ukwendlalwa ngamaqabunga phakathi. Eyesilisa neyesifazane ziyabambisana ukufukamela amaqanda izinsuku ezingama-29. Amachwane anakekelwa ngabazali bawo izinsuku ezingama-30. Emuva kwalokho abe eseqala ukushiya isidleke azifunele okwawo ukudla.