Ukuvela nokwakheka kwazo
Inyoni le ye-Afrika ngenemilenze emide eyisebenzisa ukuthaya nokuphehla amanzi. Ubude obuphakamileko bayo bumasenthimitha amasumi alithoba (90 cm) nofana (36'). Inyoni le ibonakala lula ngomlomayo owakheke ngendlela efana nesigobho. Ekuqoqoselweni kwayo ayikhombisi amatshwayo womlomo osigobho. Iqoqoselwa inomlomo omfitjhana osuke ukhule ubumbeke njenge sigobho. Uthoma ukufana nesigobho nasele izokusukela isidleke. Zombili eduna nesikazi zakheke ngendlela efanako.Ukudla
Iphila ngokudla iimfesi kanye neenlwanyana ezinganamgogodlha zemanzini ezifana neenkala, iinunwana, kanye namaduba wamanzi.Ukubekelisana nokuhlangana neduna
Inyoni le ithoma ukuhlangana neduna bezibekelisane ebusika. Isenzwesi sithoma ebusika ukuyokufika ekuthwaseni kwehlobo. Ivamise ukubekelisana nesiqhema sazo ukusuka ngenyanga kaNtaka ukuyela kuKhukhulamungu. Esikazi ibekela amaqanda amathathu ukuya kamahlanu phakathi kwenyanga kaSihlabantangana nofana uMrhayili. Amaqanda wenyoni le avamise ukutshwayeka ngamacatjhazana wombala obomvu, ozotho nofana ohlaza sasibhakabhaka.Ivamise ukubekelela esidlekeni esakhiwe ngeengojwana nofana ngomqobosi emithini eseduze namanzi, kodwana isidleke sayo singatholakala emqobosini esemidzweleni, hlangana namatje, hlangana neemilo zeeyalweni. Iindlekezi zivamise ukuba seduze namanzi nofana emithini engehla kwamanzi. Ilingaphakathi lesidleke livamise ukundlalwa amakari. Zombili zifukamela amaqanda amalanga angaba masumi amabili nethoba. Ngemva kokuqqosela amadzinyana atlhogonyelwa ngizo zombili amalanga angaba masumi amabili ukuya kamasumi amathathu. Ukusuka lapho athoma ukuphapha ngemva kweemveke ezinye ezine.