Spoonbill

© Nigel Dennis
Spoonbill.

Ponalo

Nonyana ya molomo wa Lepola ya Aforika e na le maoto a ma telele a go kgona go sepela meetseng. Botelele bja yona bo disentimetara tš 90 (36'). Yona ke ke ye šweu, ka ntle le maoto a mahubedu, sefahlego le molomo. Mafuka a yona a dimilimetara tše 365 go ya go 400. Nonyana ye e bonala bonolo ka molomo wa yona wa swana le lepola. Ka nako ya matswalo, Nonyana ya molomo wa Lepola ya Aforika molomo wa yona ga o swane le lepola. Ke belegwa e na el molomo a mo kopana, wo o sepelago o bopega bjalo ka lepola ge e gola. Gantšhi molomo o swana le lepola ge e be nako ya go tlogela sehlaga. Bobedi bja digogonope le ditshadi ke dinonyana di swanago ka ponalo.

Dijo

Nonyana ya molomo wa Lepola ya Aforika gantšhi dijo tša yona ke dihlapi tša go swana le tše senago marapo a mokokotlo, tša go khupetšwa ka dikhetla goba tlhapi ya khetla, dikhunkhwane, diboko, le tša go hloka mokokotlo tsa go khutšwa ka khetla.

Pelegišo

Nonyana ya molomo wa Lepola ya Aforika e thoma go la tswadišo ka nako ya marega. Nako ya tswadišo e thoma ka marega go ya go fihla ka seruthwana. Gantšhi e tswala ka dihlopha nakong ya Hlakola go ya go Lewedi. Ya tshadi e ka beela mae a 3-5 ka nako ya kgwedi ya Moranang goba Mopitlo. Mae a dinonyana gantšhi a na le dipatso tša mmala o khubedu, bosootho, goba botala bya leratadima.
E beela mae a yona gantšhi go polatefomo goba mahlokwa goba mahlaka sehlareng kgauswi le meetse, eupša sehlaga sa yona se ka hwetšwa gape ka meetseng a mahlaka, magareng ga matlapa, dibjalo tša go ba meetseng, goba letlapeng. Dihlaga tše di ka ba kgauswi le lefase goba mehlareng godimo ga meetse. Ka gare ga dihlaga gantšhi go na le matlakala. Mae a elamiwa nako ya go fihla matštši a 29 ke batswadi ka bobedi. Ka morago ga ga ge a thušitšwe tše nnayne di hlokomelwa ke batswadi ka bobedi sebaka sa matšatši a 20 go ya go 30. Di thoma go fofa ka morago ga dibeke tše dingwe tše nne.

Boitšhwaro

Nonyana ya molomo wa Lepola ya Aforika ka tlwaelo ke nonyana ya dihlong ya mahlagahlaga. Ka tlwaelo e hwetšwa e le mošikanoši, eupša gape e ka bonwa e le bobeding goba ka dihlopheng. Ka tlwaelo ke ya go homola, ka ntle le go e ntšha modumo wa go ngunanguna fela ge e tšhositšwe. Tše di dinonyana tša go sepela ka go fofa. E fofa ka molala le maoto di taološitšwe, le ge e foka maphego a yona ka boiketlo mo moyeng. Nonyana ya molomo wa Lepolae phela ka go ja dihlapi meetseng a sego fase. E rea dihlapi ka go sepetša molomo wa yona ka mahlakoreng ka bobedi ka meetseng. Molomo wa yona e o šomiša bjalo ka setlabela sa go swara dijo ona.

Bodulo hlago

Nonyana ya molomo wa Lepola ya Aforika gantšhi meets a sego tlase ka tikologong tša meets a gareng ga naga. Bodula hlago bja nonyana ye bo akaretša go mabopo a dinoka, mabopong a matangwana nageng, dibjalong tša go ba meetse, nageng ya fase, mašokeng, meetseng a mahlaka, bjanyeng bja bojejo bjo meetse.

Moo di hwetšwago

Nonyana ya molomo wa Lepola ya Aforika ka tlwaelo e hwetšwa ka dinageng tše mmalwa ka karolong ya ka Borwa bja Aforika. Tše dingwe tša dinaga tše di akaretša Botswana, Kenya, ka Madagascar, Mozambique, Namibia, Aforika Borwa le Zimbabwe.

Leina la Selatin

Platalea alba.