Tebego
Molomo-Swana ke nonyana e e tsamayang mo metsing ya maoto a ma telele. Boleele jwa yona ke 90cm (36’). Mmele wa yona o mosweu ka bontsi, ntle fela le maoto, sefatlhego le molongwana tse di leng khibidu. Maphuka a boleele jwa 36 - 40 cm. Nonyane eno e supega bonolo ka molongwana wa yona o o bopegileng jaaka leswana. Ko tsalong, molongwana wa Molomo-Swana ga o lebege jaaka leswana. E tsalwa ka molongwana o mokhutshwane, o o fetogelang ka iketlo go tshwana le leswana ga o gola. Gantsi molongwana o tshwana le leswana pele ga nako ya gore tsuwane e tlogele sentlhaga. Nonyane tsa tona le tsa tshegadi di a tshwana ka selebego.Phepo
Phepo ya Mololo-Swana e akaretsa ka bontsi tlhapi le ditshedi tsa mo metsing tse di senang lerapô la mokwatla jaaka digagabi tsa metsi, ditshenyekegi, bolele le bo-kgopa.Tsadiso
Molomo-Swana o simolola tsadiso ka mariga. Nako ya tsadiso e simolola ka mariga mme e tswelela dikgakologo tsotlhe. Gantsi o tsadisa ele setlhopha go simolola ka Mopitlwe go ya go Lwetse. Ya tshegadi e ka beela mae a le 3-5 mo kgweding ya Moranang kgotsa Motsheganong. Mae a nonyane e gantsi a na le dikôlô tse khibidu, borokwa kgotsa botala jwa legodimo. E beela mae a yona gantsi mo sentlhageng sa dithupana kgotsa lotlhaka mo setlhareng se se gaufi le metsi, fela sentlhaga sa yona se ka fitlhelwa gape kwa lotlhakeng lwa lekadiba la seretse, mo gare ga majwe, kwa megobeng kgotsa kwa dithabaneng.Dintlhaga gantsi di gaufi le fa fatshe kgotsa di mo ditlhareng tse di okameng metsi. Magare a sentlhaga gantsi a adilwe matlhare. Lee le elangwa go fitlha matsatsi a le 29 ke batsadi ka bobedi. Morago ga go thuthuga, e nnye e tlhokomelwa ke batsadi ka bobedi matsatsi a le 20-30. Morago ga foo, e simolola go fofa morago ga dibeke tse dingwe di le nne.