African Rock Python
Inhlwathi
Igama
Inhlwathi [Python sebae]
Nhloboni
Reptilia
Mkhakhamuni
Squamata
Mndeni muni
Boidae
Izinhlobo ezahlukene zezinhlwathi
Kunezinhlobo ezimbili: Inhlwathi [Python sebae sebae] kanye neFundamo [Python sebae natalensis]
Ubude beyesifazane
5,0 m
Ubude beyesilisa
4,25 m
Ibonakala ngani inhlwathi
Inhlwathi yiyona nyoka enkulu kunazo zonke izinyoka e-Afrika. Inomlobo ongathi wumkhonto okhakhayini nemigqa ekhanyayo nemyama edwebeke ukusuka esweni kuya emlonyeni. Umzimba umpunga okunokuhlaza okotshani, ubunsundu obumnyamana, nemigqa ekakwe okumnyama sengathi kiyaphupha ngaphezulu
Zande kuziphi izindawo
Inhlwathi yande kakhulu emazweni aseningizimu ne-Afrika. Iyatholakala nasemazweni amaphakathi uze ufike nasemazweni aseNtshonalanga ne-Afrika. Lolu olunye uhlobo lwayo okuthiwa ifundamo lutholakala eKenya kwehle njalo kuze kuyofika eNingizimu Afrika nalapho lutholakala khona ezindaweni ezikoLowveld nasezindaweni ezigudle ulwandle Kwazulu-Natal. Ziyatholakala naseLimpopo kuze kufike naseLobatse eBotswana naseNorthen Cape.
Mayelana nokuzala
Inhlwathi yesifazane ibeka amaqanda alinganiselwa kuma-30 kuya kuma-50. Amaqanda ayo athanda ukuba yindilinga. Eyesifazane iyaye igoqane emaqandeni yenzela ukukuwavikela kodwa kayiwafukameli uma igodole. Emuva kwezinsuku ezingama-65 kuya kuma -80 la maqanda ayachamisela.
Idla nhloboni yokudla
Inhlwathi idla izinyamazane ezincane, izimfene, izinyoni, nezilwane ezifuywe emakhaya. Iyazidla nezinhlanzi, oxamu nezingwenya.
Olunye ulwazi
Inhlwathi kayinawo ushevu. Ibulula ekudlayo ngokukuthandela, ikufohloze ikukhame.
