U Taluswa nga Mbeu na nga Minwaha
Mbeu na minwaha ndi vhuimo hune ndi kale hu hone kha tshitshavha tsha maTswana. Kale zwo vha zwi tshiitwa nga ndila nnzhi: vhanna na vhafumakadzi vha vhewa kule na kule nga zwifhinga zwa mitangano; na kha vhunwe vhupo sa tsumbo kgotla (hune ha tshewa hone mafhungo), ho vha hu tshi ya vhanna fhedzi. Vhanna vha vha thannga vho vha vha vha ndeme na zwino vha kha di vha vha ndeme, mufumakadzi ane avha ri o beba vhana vha vhasidzana fhedzi o vha asa dzhiiwi sa muthu wa ndeme.
Ho vha hu tshi vha na u khethekanywa ha mishumo, huna zwithu zwine zwa fhiwa vhathu na vha mbeu nthihi uri vha ite. Mufumakadzi wa MuTswana u vha a wa fhasi vhukuma u fanela u tou gudiswa nga khotsiawe dzi khaladzi kana mashaka a nnda u swika atshi vhingiwa u ya kona u thusiwa na nga munna wawe.
Vhafumakadzi vha ya khethululwa kha zwithu zwa polotiki na zwa vhurereli na mishumo ya tshithu. Minwaha na yone yo vha i tshi dzhenelela. Zwine zwa fana na vhanwe vhathu vha Bantu, vha Tswana na vhone vha tea u thonifha vhathu vhane vha vha uri ndi vha hulwane khavho vha tshi tea uvha vhidza uri khotsi (rra kana ntate) kana mme (mme): u sa tevhedza mulayo hoyu wo vha u tshi lifhiswa.
U thonifha vha hulwane ho vha hu zwithu zwa tshitshavha tshothe. Vhana vho vha vha tshi vhewa nga zwigwada zwa u hula nga nnda: u bebiwa u swika una minwaha mivhili (masea): 3 uya kha 8 (banyana); vhathannga (basemane) na vhasidzana (basetsana vha 9 u swika kha 13; na ubva kha 14 u swika vha tshi vhewa nga zwigwada uya nga minwaha yavho (magwane, majafela kana maphatisi).
Vhathannga kha zwa maphatisi vho vha vha tshi ambara zwiambaro zwo khetheaho vha tshina dzi nyimbo vha tshi khou tshina vho tangana zwi tshi ya nga minwaha yavho, vho vha vha na mbofholowo, nga maanda kha zwithu zwa nzeo. Nga tshifhinga hetshi vho vha vha tshi fhedza tshifhinga tshavho vha tshi khou lisa kholomo dza vho khotsiavho. Vhasidzana vha tshi vha vha khou ka madi, vha tshi khou sinda mavhele, na u lugisa zwiliwa, na u swiela dzi nndu na u lela vhana vhatuku.
Dzi Ngoma dzo Tanganelanaho
Zwine zwa vha zwo dzuliwa nga vhathu vhane vha vha vha tshi edana (mophato) zwine zwa kona uvha sia vha tshi khou fhirisela kha tshipida tshitevhelaho tsha u hula. Kha mophato hu vha ho tangana vhanna na vhafumakadzi vhane vha vha vha tshi khou edana. Kanzhi zwi ya vha zwi tshi khou rangiwa phanda nga khosi nga murahu ha minwaha mina kana ya sumbe.
Hune vhasidzana vha minwaha ya rathi u swika kha ya 20 vho vha vha tshi vha fumba vhothe. Kha mophatho ho vha hu tshi vha huna murado wa muta wa musanda we avha tshi dzhiwa sa murangaphanda. Minwaha minzhi yo fhiraho u sikwa ha ngoma dza vhanna ho vha hu tshi fhiriwa nga u itwa zwinwe zwine zwa vhidziwa upfi Bogwera.
Nga vho 1930, naho zwo ralo mishumo hei yo vha yo no ngalangala, nga mulandu wa uri vhafunzi vha vha kriste vho vha vha tshi dzi dzhia sa zwithu zwine zwa vha zwivhi vha vhudza na vhamusanda uri vha dzi litshe. Zwa bogwera zwo vha zwi tshiitwa nga vhanna vhane vha vha uri vho no fumba vha tuwa vha ya vha dzula dakani nga tshavho. Nga tshifhinga tsha u khethuliswa vho vha vha tshitangana na mishumo ine ya konda, vha tshi khou gudiswa na milayo na maitele.
Vhasidzana na vhone vho vha vha tshi ya ngomani dzine dza vhidziwa upfi (bojale) dzine dza itelwa hayani. Ho katelwa na mitshino na u matsha na zwinwe zwine zwa ita vha tshi khou sotelwa. Ngoma dza vhafumakadzi ho vha hu tshi vha huna zwine vha itwa vha tshi khou kondisewa, na milayo ine vha vha vha tshi khou i sumbedziwa zwi tshi da kha u thogomela midi na zwa u laya na zwa nzeo na kutshilele kha vhasadzi.
Mophato munwe na munwe wo vha u tshi fhiwa dzina nga khosi hu tshi vha na ngoma, kanzhi zwi tshi khou tevhedza zwiwo zwine zwa khou fhedza u itea, u fana na u nesa ha mvula kana gomelelo. Mophatho u mbo di dzhia dzina helo ubva hafho u swika zwezwo. Muthu o vha asa tendelwi u mala arali asongo thoma a fhira kha tshipida tsha Mophato. Mirado yo vha i tshi shuma yoṱhe, na kha nyimelo ya vhanna, vha lwa vhothe, fhedzi ho vha hu tshi di vha na vhanwe vhane vhafunana vhane vha edana.
Tshiimo tsha u ita zwithu vhothe ndi zwone zwe zwa vha zwi tshita uri vhafarene vha vhe tshithu tshithihi; ho vha huna tsumbo yo khetheaho ya thonifho ye ha vha i tshi talusa munna nga dzina lawe la ngomani u fhira dzina lawe. Mirado ya ngoma vho vha vha tshi vhudziwa uri vha fanela u thonifha vhathu vhothe huhulwane vhane vho no ya ngomani phanda avho nga heyo ndilana vhone vha do kona u huliswa nga vhane vha vha fhasi havho. U balelwa u ita kana u tevhedza milayo hei uya dzheniswa khothe khulwane yo fariwaho nga vharangaphanda vha ngoma ine ya vhidziwa upfi hoc.
U Vusuludzwa hune ha Dzula hu tshi Khou Hula
Hu sina ndavha uri vha vha kriste vho lingedza u fhelisa dzi ngoma nga centuary ya 20, namusi huna u vusuludzwa hu hulwane ha ngoma hedzi vhukati ha vhathu vha vha Tswana, u fana na vhanwe vhathu vhane vha vha vha vhukati havho vhane vha vha uri vha ya tenda uri dzi gundo hedzi adzi tei u vhudziwa dzi mbudziso.
Ngoma dzi vha tsumbo ya u ḓi ḓivha nga ndila mbili: vhathu vha ya kona u di vhona sa Tswana nga maitele na nga uya ngomani dza tshi Tswana; zwa ndeme vhukuma ndi zwa uri huna zwithu zwine zwa itwa nga tshi Afrika zwine zwi ya kona u talusa uri ri a Afrika, na uri vhathu vhatuku vhe vha balelwa uya ngomani vha vha vha si ma Afrika a vhukuma. Hu ya kona u itwa nga ndila ine ya vha ya tshikale, fhedzi hu dzulela uvha na zwithu zwiswa zwine zwa ita uri dzi vhe na zwimangadzo.
Translated by Khalirendwe Nekhavhambe