Beauty Skefile
Tshinwe tsha tshithu tshine nda nga tshihumbula musi ndi tshe muṱuku ndi u tamba khadi magondoni kha ḽa Cape town, ro vha ri vhana vha vhathu tsu na vhatshena na macoloured, ndo vha ndi sa zwiḓivhi uri ndi hune nda bva hone, ndo ya kha tshikolo tsha African nda guda luambo, ngauri ndo vha ndi tshi khou hula vhukati ha vhathu vha mavhuru, nga murahu zwo ḓo shanduka.
Nga haaḽa maduvha tsumbo ya uri no lugela uya tshikoloni ndi musi ni tshi nga kona u vhea tshanḓa tshaṋu nga murahu ha thoho na kwama nḓevhe ya nga hengei, thi ḓivhi uri ndo vha ndi na minwaha mingana ndi tshi thoma tshikolo fhedzi ndo vha ndo no hula u fhirisa vhana vha zwino musi vha tshi thoma tshikolo.
Zwithu zwo vha zwi khwiṋe hezwila kale vhana vha zwino vho thanyesa. Ani koni u ita tshithu vha sa khou ni vhudzisa uri ndi nga ni ni tshi khou tshiita, nga haaḽa maḓuvha arali na nga vhudzisa mbudziso vhabebi vho vha vha tshi ḓo ni sema vha ni vhudzisa uri ndi nga mini ni tshi khou vhudzisa hezwo zwithu. Haya maḓuvha vhana vhana zwithu zwinzhi zwine vha nga amba u fana na u ni pikisa tshifhinga tshoṱhe, na u kona u ḓivha uri vhone vha na phindulo ya tshinwe na tshinwe.
Thenjiwe Tutu
Sa vhana ro vha ri tshi khou fushea nga zwine ra vha nazwo ngauri ro vha ri sa di vhi zwinwe zwithu. Ho vha hu fhethu ha vhudi huna mahatsi u mona na nnḓu yashu. Kha muelo wo no swika 1 km ho vha huna thavha yo valiwaho nga miri.
Ndo vhuyelela hangei minwahani yo fhiraho ndi na minwaha ya 53 kana 54 ndo balelwa u tshimbila na u gonya thavha, fhedzi sa musidzana muṱuku ndo vha ndi tshi kona u i gonya heiḽa thavha ndi sina na thaidzo na nthihi, sa mbudzi ṱhukhu tlok tlok tlok.
Nṋe na vhangana vhanga ro vha ri tshi kona u ita mipopi nga mukope wa vhele nga murahu ha musi mavhele ono kuvhuliwa, ro vha ri tshi kona u ita na nnḓu nga dzi thanda dza mipopi yashu, ro vha ri tshi kona na u khavhisa nga mahatsi.
Goldie Qayiya
Musi ndi tshi kha ḓivha muṱuku ro vha ri tshi gonya thavha ri tshi khou tamba, kanzhi ho vha hu tshi vha na vhana vho no swika 15, mme anga , khotsi anga, murathu wavho na vhana vhoṱhe, ro vha ri tshi hwala bakhete ḽa mavhele na ṋawa zwa uḽa nnṱha ha thavha, ri tshi shela na mapfura nga nnṱha , ro vha ri na mbudzi nnzhi hayani arali huna ine ya vha yo vhulaiwa ro vha ri tshi ṱuwa nayo, inwe ya ṋama yo vha i tshi thusa kha lwendo lwashu.
Nga murahu ha musi ro gonya thavha lwa awara nthihi na hafu, ro vha ri tshi vha ro no vha nnṱha ntha ri tshi kona u vhona miḓi i tshi tou vha fhasi zwoṱhe tsini na St marks, mulalo u tshi khou bva kha vhathu, na tshinwe tshifhinga ri kule ro vha ri tshi kona u vhona zwipuka zwa ḓaka , ro vha ri tshi kona na u vhona springbok kanzhi ho vha hu tshi vha hu Jackals.
Felicia Mfamana
Ndo vha ndi na minwah ya 11 sa nḓowelo vhangana vhanga Nombeko, Jonjikhaya na Nomvulazana vho ḓa u tamba, mipopi yashu yo vha i tshi itwa nga mukope wa mavhele ane vhabebi vhashu vha ṱavha masimuni. Mitambo ye ra vha ri tshi tamba ri vha ṱuku yo vha i ya vhudi fhedzi ndo ndi tshi khou hula nda zwihumbula uri nṋe athi ṱoḓi u maliwa.
Ndo vha ndi tshi funa u guda nahone nda ḓi vhudza uri ndi ḓo vha mugudisi, ndo vha ndi tshi ḓo vha na mushumo une nda ḓo kona u thusa vhathu na vhabebi vhanga. U fanela uvha na pfunzo khotsi anga vho vha vha tshi dzulela u mmbudza.
Tshimbilani ni yo guda u nwala zwavhuḓi na u amba zwavhuḓi, ndi khou ṱoḓa vheiwe vhana ni tshi vha na vhutshilo ho leluwaho u fhira nṋe tshimbilani niyo guda zwine na nga guda, vho vha vha tshi khou ambiswa nga tshenzhemo vho vha vha tshi shuma migodini ya maini , nga murahu vha ya vha shuma tsimuni yavho na u sana murahu na zwifuwo zwavho, ho vha hu vhutshilo havhudi fhedzi vhu tshi konḓa vhukuma, vho vha vha tshi khou ṱoḓa zwithu zwi tshi vha zwavudi kha riṋe.
Fhedzi zwine vha zwi funa zwo vha zwi songo lingana, musi ndi tshi kha murole wa vhuṱanu mme anga vho mbo ḓi lovha, ro vha ri sa fariwi nga nḓala ho vha hu tshi dzula huna miroho ubva tsimuni na mafhi ano bva kha dzi kholomo, fhedzi nga murahu ha musi mme anga vho no lovha ho vha hu sina tshelede nnzhi ya u renga zwienda zwa tshikolo na zwiambaro zwa hone. Ndo vha ndo dinalea na khotsi anga ngauralo fhedzi hovha hu sina zwine ra nga ita, ndo mbo ḓi litsha uya tshikoloni.
Translated by Khalirendwe Nekhavhambe