Beauty Skefile
Xinwana xosungula lexi ndzi xitsundzukaka iku tlanga mintlangu ya vana kufana na, skipping na hula hoops, eswitarateni swa Retreat e Cape Town. Ahiri vana va vantima, valungu na ma-coloured, laha hinkwerhu ahi tlanga endzhawini yinwe. Andzinga switivi leswaku ndzi muntima hinkarhi walowo.
Ndzi nghenile xikolo xa Afrikaans naswona andzi twisisa ririmi hikuva ndzi kule na vanhu va ma- Afrikaans. Endzhaku leswi swivuye swicinca. Hi malembe yalawo, xikombiso xaku ringanela kunghena xikolo awufanele u hundzisa voko ra wena hile nhlokweni kutani uya khoma ndleve ya tlhelo lerinwana.
Se andzi tivi leswaku andziri na malembe mangani loko ndzi sungula ku nghena xikolo hikuva andzi kurile, ndziri nkulu eka leswi vanghenisaka swona xikolo masiku lawa. Swilo aswi antswa hinkarhi wakona. Vana va manguva lawa vatlharihe ngopfu. Unge endli nchumu vanga kuvutisi leswaku hikokwalaho kayini u endla sweswo.
Himinkarhi ya hina loko uvutisela swivutiso swotano vatswari avata ku ba vatlhela vavula leswaku xana hikokwalaho ka yini u vutisela swivutiso leswi. Naswona aswita helela kwalano. Masiku lawa vana vana swotala kuswivula, vata phikizana na wena nkarhi hinkwawo naswona va ehleketa leswaku vana tinhlamulo.
Tenjiwe Tutu
Tani hi vana, ahi enerisiwa hileswi ahiri naswona, hikuva ahinga tivi swotala. Akuri minkarhi yakahle. Akuri na byasi endzhaku ka yindlu naswona eka mpfhuka woringana kilomita akuri na nhova.
Ndzi yile eka ndzhawu leyi malembe nyana lawa ya hundzeke loko ndziri na 53 wa malembe kumbe 54 kambe andzi fambanga mpfhuka woleha ku khandziya ntshava leyi hikuva kutlhumile, naswona tani hi nwana wa nhwenyani lontsongo andzi kota kutsutsuma ndzui khandziya kuri hava swiphiqo. Kufana na ximbutana, tlok tlok tlok.
Mina na vanghana va mina ahi endla swimpopani kusuka eka mpumpurha wa xifaki loko xikhumudzeriwile. Ahi tlhela hikota ku endla tiyindlu ta van’wampopi lava hiku tirhisa tinhlanga xikanwe naku rhwalela mabilomu leswaku hita khavisa exikarhi ka tinhlanga.
Goldie Qayiya
Hinkarhi wa vuhlangi bya mina, ahi khandziya ntshava loko hi tlanga. Ahitala ku endla leswi hitele kufikela kwala kavo 15: tatana wa mina, manana, sesi wa yena xikanwe na vana hinkwavo. Ahi rhwala mabakiti ya tihove leswaku hiya dyela entshaveni, hichela mafurha ya Holsum ehenhla.
Akuri na tinguluve totala ngopfu ekaya naswona loko ku dlayiwe yinwe loko hinga se khandziya ahita tiphina swinyawul lehenhla ka ntshava.
Endzhaku ko khandziya ntshava leyi kuringana awara na hafu ahiva hifikile le henhla ka ntshava naswona ahi vona tintshava letinwana leti rhandzele ndzhawu ya hina e St Mark's, nambu lowu hundzaka eka misava leyinga laha hansi, empfhukeni, mpfhuka, swiharhi swale nhoveni. Minkarhi yinwana ahita vona springbok, kambe minkarhi yotala ahivona jackals.
Felicia Mfamana
Andziri na kwalomu ka 11 naswona, tani hi ntolovelo, vanghana vamina Nombeko, Jongikhaya na Nomvulazana ava vhakile leswaku hita tlanga. Mimpopi ya hina ayi endliwe hi mipupurha ya xifaki xa mavele lawa ya byariwaka hivatswari va hina emasinwini ya vona. Mintlangu leyi ahiyi tlanga tani hi vana, kambe loko se munhu akula ndzi vone leswakuandzinga lavi kutekiwa na kanwe evutonwi.
Andzi rhandza ku dyonga naswona ndzi teke xiboho xa leswaku ndzi tava mudyondzisi. Ndzitava na ntirho wa kahle lowu pfunetaka vanhu naswona andzita kota ku pfuna vatswari va mina.
U fanele kuva na dyondzo, tatana atshamela ro vula sweswo. 'Famba uya tlhela u dyondza kutsala kutsala kahle xikanwe no vulavula kahle. Ndzi lava leswaku vana va wena vava na vumundzuku lebyinene kutlula lebyi ndzingava na swona, se dyondza hinkwaswo nkarhi wahapfumela.' Avulavula kuya hi ntokoto lowu angana wona.
Tani hi wanuna loyi anga tirha swinyawula emugodini. Ava tirhela kule na masimu kumbe kuya lava tihomu enhoveni. Akuri vutomi bya kahle kambe byotika. A lava leswaku vana va mina vafanele ku tiyisisa leswaku vahambanile na hina. Kambe kunavela kayena akunga ringanelangi. Loko ndziri eka Standard Five exikolweni,mhani wa mina valovila.
Ahinga pfumaleki swakudya ekaya. Naswona akuri na matsavu yoringanela kusuka emasinwini ya le kaya naswona ahi kuma masi yahina kusuka eka tihomu tale kaya. Endzhaku ka rifu ra manana wa mina akungari na mali yoringanela kuhi xavela jiniformo, tintanghu ta xikolo na tibuku.Andzi tshikelelekile swinene hikuva akuri hava lexi andzita xiendla. Andzi boheka kutshika xikolo.
Translated by Ike Ngobeni