Vakokwani va GAPA
A ndzi taya eka GAPA lah ndzi ngata fika ndzi tshama emahlweni ka television, ndzi tshoveleriwe swirho hi swivavi swa mina. Vakokwani va GAPA vandzi ponisile. Goldie Qayiya ari unwana wa vamanana lava vangata kuta vulavula na mina, andzi byela hilaha vana vakwe vanharhu vanga lova ha kona.
Uvule leswaku, 'Alicia, nwana wakwe wa jaha lontsongo u lovile loko anwi rhumile e vhengeleni laha anga biwa hi rihati. Kasi lonkulu wa jaha yena, Vusi, ulovile hikwalaho ka Aids. Andziri etlhelo ka mubedwa wayena loko a lova; leswi swindzi vavise mbilu. Kulandzela Thumela loyi nayena anga dlayiwa hi Aids. Ndzi va lahlile hinkwavo.' Loko a hlamusela hinkwaswo leswi, ari eku rileni, hilaha ndzi nga swivona leswaku andzi ndzexe.
'Goldie a amukerile ku xaniseka ka yena naswona utiyile,' Andzi ehleketa tano. 'Misava yamina ayinga heli; Namina Xikwembu xina mina.'Hiku nonoka, ndzi vuye ndzi fana na Alicia nakambe. Loko ndzi vilela ndziri ekaya, ndziya eka GAPA ndziya vabyela hiswona, hivona lavandzi nyikaka nseketelo lowu ndzi wulavaka.
Ndzi nge pfuki ndzi yisukeril GAPA. Xile mbilwini ya mina. Munghana wa mina lonkulu eka GAPA i Constance Sohena. Loko ndziri na kutikeriwa,ndziya endlwini yayena. Xosungula hi khinsama hi khongela endzhaku ndzi nwi byela hinkwaswo leswi ndzi karhataka. I wansati loyi ndzi nwi tshembaka swinene.
Nkarhi wa Beauty Skefile eka GAPA
Ndzi rhandza kuya eka GAPA. Hilaha ndzi pfunekaka swinene evutonwini bya mina. Hivulavula ngopfu hi swivilelo swahina, kungari khale uta kuma se hirivele hiswona naswona awaha vileli hinchumu. Loyi uta vula swinwana, kasi unwana a vula swinwana, kungari khale hitikuma hiri eku hlekeni.
Andzi rhandza kuya masiku hinkwawo loko vana vahari exikolweni. Kambe sweswi milenge na mavabyi swindzi komba maxangu, se andzaha koti kufamba. Minkarhi yinwana loko uri kona kwale, tintiho tawena ataha lavi ku khoma nchumu. Loko ndziri e GAPA, ndzi rhunga minkumba nati teddy bear.
Ndzi kota nakuluka mfitshi-mfitshi, leswivulaka 'bits and pieces', rito ra xi-Xhosa ro vula leswaku patchwork. Minkarhi yinwana andzi tirhisa muchini worhunga hi wona kasi nkarhi wunwana ndzi tirhisa mavoko. Ndzi lo tirhungela ti cushions letinga laha emubedweni ndzi tiendle hindzexe, hi voko reri. Swinwana andzi switivangi loko ndzahari ntsongo. Ndzile ku dyondzeni sweswi ndzi nga kula.
Translated by Ike Ngobeni