Lutendo Lwavho na Vhurereli zwa ma Ndebele

© Dr Peter Magubane

Shango la Mimuya

Sa kha zwigwada zwothe zwa sialala Afrika, vha maNdebele vha taluswa nga shango la tshimuya, zwine zwa kwama vhutshilo havho ha duvha na duvha naho hu zwithu zwine zwa vha zwituku. U lwala na uvha na mashudu mavhi, uvha na mutakalo wa vhudi na lupfumo zwothe zwi ya vhonala nga u vha na vhukwamani na shango la mimuya. Huna vhane vha thusa vhane vha fhedza vha tshi tou shuma zwenezwo, na vhaloi vhane vha dzula vha tshi khou vha thasela nga zwithu zwine zwa sa vhe zwavhudi.

Vhadzimu, vhane vha vha vhone vho faraho shango la mimuya, vha ya vha na mbilu dza vhudi kana vha vha na vhutshivha, vha toda zwithu zwinzhi nga kha u ita zwithavhelo. U balelwa u tevhela milayo na maitele ndi zwone zwine zwa u disela zwithu zwine zwa sa vhe zwavhudi ngauri zwi vha zwi tshi khou todiwa nga vhadzimu.

Hu dovha ha tendiwa uri vha ya tsireledza vhane vha khou tshila kha zwithu zwivhi zwine zwa nga vha dela, nga u zwithivhela kha miloro yavho, na u vha fha maanda kha u di lugisela kha zwa mishonga ine ya vha yo itwa nga matari na zwinwe. Vhadzimu ndi mudzi une wa ita uri u fhodziwa nga zwa tshithu zwi shume.

Maanda a Vhadzimu lutendo na u luvha zwi ya shuma vhukuma kha vhaNdebele nga uya phanda ha mvelo yavho, zwone zwo vha thusa u kona u talusea vhukati ha vhahura vhane na vhone vha vha na maanda, na nga zwifhinga zwa dzi ndwa.

Translated by Khalirendwe Nekhavhambe