Nhlamuselo ya Ximilani
Lexi i ximilani xa matluka lawa ya hatimaka nyana ya rihlaza ro dzhwihala lawa yanga exikarhi ka 25 kuya eka 30cm hiku leha na 10 kuya eka 20cm hiku anama.
Matluka yasungula ya vevukile swinene naswona yri xirhendzevutani loko yaha kula kambe loko se xikurile matluka ya leha lawa yanga khonyana.
Switirhisiwa
Matluka yakona ya dyiwa ya swekiwile naswona lawa yantsongo yanga tirhisiwa ku endla ti saladi. Matluka lawa ya tlhela yatirhisiwa ku endla juzi. Yana ti vitamin A, B1, B2, niacin na calcium. Xipinichi xitlhela xicheriwa exikoteleni.Swilaveko swa Misava na Ndzulamiso
Xipinichi xinga byariwa eka tinxaka tohambana hambana ta misava kambe ximilani lexi xihanya kahle eka misava ya sandy kuya eka loam leyi tswongaka swinene mati naswona yiva na pH leyinga exikarhi ka 6 na 6.8. Katsa ti phosphates na manyoro hinkarhi loko unga se byala kutani urima misava yale henhla.Maxelo
Xipinichi xi hanya kahle eka maxelo yohambana hambana lawa yanga exikarhi ka 5°C na 25°C kambe xihanya kahle eka maxelo lawa yanga exikarhi ka 14°C kuya eka 18°C.
Ximilani lexi axi kondzeleli maxelo lawa ya titimelaka ngopfu yanga e hansi ka 5°C kumbe kuhisa lokunga e henhla ka 30°C. Hambi leswi ximilani xikotaka ku hanya laha kungana gwitsi rintsongo, leswi aswivuli leswaku xakondzelela gwitsi.
Mahiselo yale henhla ya kavanyeta kukula ka xipinichi. Ximilani lexi xitsakela laha kunga hola swinene.