Emerald Riesling

© Vititec

Nhlamuselo

Nsinya lowu wu endliwe hi UC Davis hi lembe ra 1948 kusuka loko ahlanganise Muscadelle na Riesling, Emerald Riesling i madiriva yo basa lawa xikongomelo xawona akuri kuhumelerisa wayeni ya Riesling yitlhela yikota no byariwa eka maxelo lawa ya hisaka swinene. Valavisisi vanwana vatshemba leswaku vatswari va ntiyiso va Emerald Riesling akuri Muscadelle na Grenache.

Ntumbuluko

United States

Mavito Yanwana

Emerald Riesling yitsarisiwe tanihi California 1139 E 29. Madiriva lawa yanga hlanganisiwi na lawa yale German Weisser Riesling.

Vuhumelerisi e Afrika Dzonga

Mpfanganyiso lowu wa madiriva hybrid wusungule kuva kona laha Afrika Dzonga hi 1981 naswona aswi hleketiwa kuri yikota kuhanya kahle eka maxelo yo hisa swinene naswona yikota ku kombisa minantswo ya Weisser Riesling. Muxaka lowu wa nsinya lowu wutlhela wubyariwa e Israel.

Tindzhawu ta Vuhumelerisi

Kuna kwalomu ka 47ha ya Emerald Riesling leyi hanyaka e Afrika Dzonga laha 26ha yinga byariwa e tindzhawini ta Robertson. Ku hava swibyariwa swin’wana leswinga tsarisiwa kusukela hi 2016.

Kukula

Nsinya lowu awukuli ngopfu kambe mihandzu wa yona wulehenhla swinene (20 – 30t/ha) naswona kulandzelerisa mahlayiselo ya wona switisa mbuyelo wa kahle swinene. Kuva kona swinwana swimilana endzhaku ka ntshovelo kambe swikarhatiwa hi oidium. Yikota ku hanya eka tinxaka tohambana hambana ta misava naswona yi hanya kahle eka tindzhawu leti hisaka.

Ku Vupfa

Emerald Riesling yitshoveriwa eka 20 -22° Balling exikarhi ka nguva kufana ka nkarhi wallow eka Chenin Blanc.

Mihandzu

Mihandzu ya wona iya rihlaza leriyaka eka kubasa naswona iya xirhendzevutani. Ntshovelo wotirhisa michini wuendla leswaku mihandzu yivaviseka swinene leswi endlaka leswaku kuvana kulahleka ka juzi leswi endlaka leswaku ntshovelo wa Emerald Riesling wu tika swinene.

Matluka

Matluka aya kulangi ngopfu, yava na swiave swinharhu leswikulu swingana xivumbeko swa matinu.

Switsotswana na Mavabyi

Emerald Riesling ayi karhatiwi hi botrytis loko ku pimanyisiwa na Chenin Blanc naswona yitlhela yinga karhatiwi hi oidium na downy mildew. Swimilani leswintsongo leswihumaka loko ku hela ntshovelo swona swihlaseriwa hi oidium.

Switirhisiwa

Emerald Riesling yinga tirhisiwa ku endla tiwayeni toka tinga nyanganyi, nayo nyanganya kantsongo kambe tiri leto basa. Kuva yiteka nkarhi woleha e bodlheleni swiendla leswi vange i terpene- kambe yinga dziki ngopfu, Weisser Riesling.

Nantswo/Nuhelo

Yihlamuseriwa tani hiya nantswo wa mihandzu, aroma notala nuhelo wa tiwayeni, Emerald Riesling yikota ku komba swihlawulekisi swa mabilomu kukatsa na nantswo wa swipayisisis leswingana acid nyana ya Riesling (7-9g/l).Translated by Ike Ngobeni