Emerald Riesling

© Vititec

Tlhalošo

E ile ya hlolwa ke UC Davis ka 1948 gare ga hlakanong ya Muscadelle le Riesling, Emerald Riesling ke sebjalo sa morara se se šweu, gomme sebjalo se hlametšwe go tšweletša merara e bonagantšhago phaphantšho ya Riesling e fela e dira gabotse boemong bja go fiša. Banyakišiši ba bangwe, e fela, ba tshepa gore batswadi ba Emerald Riesling ke Muscadelle le Grenache.

Tlholego

United States

Main a Mangwe

Emerald Riesling e ngwaditšwe bjalo ka California 1139 E 29. Morara ga wa swanele go gakantšhwa le morara wa German, Weisser Riesling.

Tšeletšo Mo Afrika Borwa

Morara wo, wa hybrid o tsebišwa mo Afrika Borwa ka 1981 gomme o tsebega o kgona go kgotlelela maemo a boso a borutho e bile o kgona go ntšha mohlodi wa Weisser Riesling. Morara o bjetšwe gape kua Israel.

Dilete tša Tšweletšo

Go na le fela palo ya go lekane le 47ha ya Emerald Riesling mo Afrika Borwa gomme palo ya go lekana le 26ha e bjetšwe lefelong la Robertson. Ga go na rekoto ya ngwaga wa 2016, ya dibjalo tša mpša.

Go Gola

E gola ka lebelo la maatla e bile e na le puno ya godimo (20 – 30t/ha) gomme le šomišo ya legora e tliša ditlamorago tše bose. Dibjalo tše ntši, tše mpša di na le go tlhaga morago ga puno gomme di bokoa oidium. E kgona go kgotlelea memobu ya go fapana le dilete tše borutho.

Go Butšwa

Emerald Riesling e lemiwa ka Balling ya 20 -22° ka nako ya magareng a sehla, na ko ya swana le Chenin Blanc.

Dithetlwa

Dithetlwa di na le mmala o tala wa go ba le bošweu le sebopego sa nkgokolo. Ka šomišo ya puno ya motšhene, dikutu tše go kgomaganya le dithetlwa di dira gore matlalo a phušole gomme se, se dira gore le todi e timele, e be puno ya Emerald Riesling e ba boima.

Matlakala

Matlakala a na le bogolo bja magareng le dithoko tša go tlala, tše kgolo, tše tharo le maeno a go se tlwaelege.

Dikhukhwane le Malwetši

Emerald Riesling e kgona go lwantšha botrytis go feta Chenin Blanc e bile ga e bokoa go oidium le downy mildew. Dibjalo tše nnyane tše melago morago ga puno di na le go ba bokoa kudu go oidium.

Šomišo

Emerald Riesling e ka dirwa bjalo beine ya go baba goba setaele sa beine e šweu, e tanta. Tše mabotleleng a kgale di kgona go ntšha moanegwa wa go swana le terpene e fela e sego ga golo go swana le Weisser Riesling.

Tatso/Mohlodi

E laodišwa bjalo ka dienywa, monkgo wa tanta le beine ya mohlodi o bose, Emerald Riesling e kgona go bontšha phaphantšo ya matšoba le mohlodi wa spicy ga nnyane Riesling-like acidity ya (7-9g/l).Translated by Lebogang Sewela