Thôbô - Di-tonne mo Hekethareng ka Ngwaga
E e foreshe: 12 tonnes
E e omisitsweng: 2 tonnes
Oli: 10 goya go 20 litres
E e bogareng
E e foreshe: 22 tonnes
E e omisitsweng: 6 tonnes
Oli: 25 goya go 50 litres
E e siameng
E e foreshe: 30 tonnes+
E e omisitsweng: 8 tonnes+
Oli: 80 litres+
Kotulo
Kotulo ya bontsi jwa rosemary ya kgwebo e dirwa ka motšhine. Mo mafelong-tlhagiso a mannye le mo dintlwaneng tsa dijalo e ka dirwa ka seatla, le fa seno se ka nna tlhwatlhwa-godimo.Tlhagiso ya e e foreshe: Simolola go kotula rosemary e e boleta e ntšhwa e e sa tswang go gola go sale gale no mesong fa themphoritšhara e santse e rurufetse. Kotulo ya dintlhana tse di foreshe e ka simolola mo bogaufing jo bo etsang dibeke di le 12 morago ga jalô ya matlhogela kgotsa ga mesegô e e tlhogileng.
Tlhagiso ya e e omeletseng: Mo tlhagisong ya rosemary e e omeletseng, kgetlo e ka simololwa fela fa go setse go ba le matlhare a a lekaneng a a ka kotulwang. Bontsi jwa kgolo ya semela bo pomiwa pele thunyô e tswelela pele. Mesegô morago e a omiswa mo themphoritšhareng ya 38°C ka go dirisa seomisa-mowa sa pateletso.
Tlhagiso ya oli e e botlhokwa: Dioli tse di botlhokwa tse di gaisang ditswa mo tlhôtlhong fela ya dintlhana tsa sethunya tsa sejalo sa rosemary, mme di rekiswa jaaka oli e e kgethegileng e e bonang tlhwatlhwa e e kwa godimo. Morago fa thunyô e emisitse, ke mokgwa-tiriso go sega matlhare otlhe a a setseng mo sejalong gore a tlhotlhwe, mme go tlogelwe fela a a lekaneng gore sejalo se gole bošwa pele ga mariga le thunyô ya dikgakologo e e latelang. Oli enô e rekiswa ka go kgaogana.
Poloko
Tlhagiso ya e e foreshe: Morago ga kotulo boloka rosemary e e foreshe ka mo 5°C. Rosemary e ka bolokwa go fitlha go dibeke di le 2. Bongôla jwa poloko bo tshwanetse go tsholwa kwa godimo ga 90% go thibela matlhare go latlhegelwa ke bometsi. Mere e e foreshe e latlha tatsô ya dijo ka bonako, ka jalo go botoka go rekisa le go dirisa rosemary e e sa tswang go segwa ka bonako jo bo kgonegang.Tlhagiso ya e e omeletseng: Matlhare a a omisitsweng a phuthelwa ka mo gare ga ditshodi tse di sa tseneng mowa ka bonako jo bo kgonegang gore di tshole mmala le tatsô. Tshola mo themphoritšhareng e e ka nnang 10°C.
Oli e e botlhokwa: Boloka dioli tse di botlhokwa tse di mo mabotlolong mo lefelong le le omileng le le fifetseng mme le rurufetse, sebaka se se ka nnang ngwaga goya go dikgwedi di le 18 morago ga go tsenngwa mo lebotlolong. Morago ga fao dioli di simolola go latlhegelwa ke bogale le monkgo.
Disenyi
Mealybug, Scale, Spider mite, Thrips le Ntsi e Tshweu ke disenyi tse di tlwaelegileng.Malwetse
Powdery mildew, Root rots.Rosemary e na le disenyi le malwetse ale mmalwa fela go botlhale go sela morago thulaganyo ya tshireletso-jalô e e tshitshintsweng ke motlhankedi wa tsa jalô kgotsa agronomist. Mogwebi wa selegae wa dikhemikhale gantsi o na le manaane a a matshwanedi kgotsa a ka fana ka tshedimosetso ka ga bagakolodi ba ba gaisang ba ba leng teng gaufi le kgaolo ya gago ya tlhagiso.Translated by Nchema Rapoo