Mguyelo - tonnes hi hectare hi lembe
Yo tsakama: 12 tonnes
Yo oma: 2 tonnes
Mafurha: 10 to 20 litres
Wa le xikarhi
Yo tsakama: 22 tonnes
Yo oma: 6 tonnes
Mafurha: 25 to 50 litres
Wa kahle
Yo tsakama: 30 tonnes+
Yo oma: 8 tonnes+
Mafurha: 80 litres+
Ntshovelo
Ku tshoveriwa kotala ka rosemary eka mapurasi lawakulu switala ku endliwa hi muchini. Eka mapurasi lawayantsongo nale ka ti greenhouse swinga endliwa hi mavoko hambi leswi swidurhaka swinene.Ku humelerisiwa ka yotsakama: sungula kutshovela matluka lawa yapetsekaka yantshwa ya rosemary lawa yaha kulaka ni mixo loko mahiselo yanga se tlakuka. Ku tshoveriwa ka matluka lawa ya tsakamaka swinga sungula endzhaku ka 12 wa mavhiki endzhaku ko byariwa ka swimilani kumbe loko ku byariwe swirhabyani.
Ku humelerisiwa ka yo oma: eka kuhumelerisa rosemary yo oma, ku tsemelela swinga sungula loko kusungula kuva na matluka yoringanela ku tshoveriwa. Swimilani swotala leswi kulaka switala ku hungutiwa loko swinga se humesa mabilomu. Leswi tsemiweke swifanele ku omisiwa eka mahiselo ya 38°C hiku tirhisa xo hunga moya lowu omisaka.
Ku humelerisiwa ka mafurha ya nkoka: Mafurha ya nkoka ya huma eka kuva ku virisiwa mabilomu lawa yaha ku humaka ya ximilani xa rosemary naswona ya xavisiwa tani hi mafurha yo hlawuleka naswona yana nkoka wale henhla swinene. Endzhaku ka sweswo loko mabilomu ya yimile, swihundzuka maendlelo kumbe ntolovelo kuva ku tsemeleriwa swimilani hinkwaswo kusiyiwa swimilani leswintsongo leswaku swita sala swimila nakambe loko kunga se fika nguva ya xixika xikan’we na nguva leyi landzelaka ya ximun’wana ya mabilomu. Mafurha lawa ya xavisiwa e tlhelo.
Nhlayiso
Ku humelerisiwa ka yotsakama: Endzhaku ka ntshovelo hlayisa rosemary leyi tsakamaka eka 5°C. Rosemary yinga hlayisiwa kuringana mavhiki ya 2. Relative humidity eka nhlayiso wufanele kuva ehenhla ka 90% kusivela leswaku matluka yanga lahlekeriwi hiku tsakama. Mitsembyani leyi tsakamaka yi lahlekeriwa hi nantswo hiku hatlisa lero swikahle ku hatlisa u yi xavisa kutani yi hatla yitirhisiwa yaha tsakama naku tsemiwa ka rosemary hiku hatlisa.Ku humelerisiwa ka yo oma: Matluka lawa yanga omisiwa ya cheriwa eka swibye leswinga ngheneki moya hiku hatlisa leswaku yata tshama yahari na muhlovo na nantswo wa yona. Ya vekiwa kwalomu ka 10°C.
Mafurha ya nkoka: Hlayisa mafurha ya nkoka lawa yanga e mabodlhelelni eka ndzhawu leyinga oma yitlhela yiva na xinyami kuringana lembe kuya eka 18 wa tinhweti endzhaku ka kucheriwa e mabodlheleni. Endzhaku ka leswi mafurha ya sungula ku lahlekeriwa hi vukarhi bya wona na nuhelo.
Switsotswana
Mealybug, Scale, Spider mite, Thrips na White fly hiswona switsotswana swa ntolovelo leswinga tala.Mavabyi
Powdery mildew, Root rots.Rosemary yina switsotswana swintsongo swinene na mavabyi lawantsongo kambe swikahle swinene ku landzelela nhlayiso wa swibyariwa leswi tsundzuxiweke hi extension officer kumbe agronomist. Muxavisi wa ti khemikali wale kusuhi hi xitalo uva ari na minongonoko ya kahle kumbe anga pfuna hi vuxokoxoko bya vatsundzuxi lavangana vutivi byo antswa lava kumekaka ekusuhi na laha kuhumelerisiwaka kona.Translated by Ike Ngobeni