Kukhokha - emathani ngelihekitha ngemnyaka
Kusha: Emathani lalishumi nakubili
Komile: Emathani lamabili
Oyili: Lishumi kuya eMashumini lamabili emalitha
Linani
Kusha: Emathani lamashumi lamabili nakubili
Komile: Emathani lasitfupha
Oyili: Emashumi lamabili nesihlanu kuya emashumini lasihlanu emalitha
Lokuhle
Kusha: Emathani lamashumi lamatsatfu kuya etulu
Komile: Emathani lasiphohlongo kuya etulu
Oyili: Emalitha lamashumi lasiphohlongo kuya etulu
Kuvuna
Kuvunwa kwemarosemary entsengo lamaningi kwentiwa ngemshina. Emsebentini lomncane kanye nasetindlini letiluhlata kungentiwa ngesandla noma nje loku kuyadula.Umkhicito lomusha: cala kuvuna le rosemary lensha letsambile lekhula ekucaleni ekuseni ngesikhatsi simo sisepholile. Kuvunwa kwaletinsha kungacala ngekushesha lokungaba maviki lalishumi nakubili ngemuva kwekuhlanyela titjalo letincane tetinhlavvu noma loko lokujutjiwe.
Umkhicito lowomile: Umkhicito lowomile we rosemary, kujutjwa kungacala ngekushesha njengoba kukhona emacembe lenele kutsi angavunwa. Lining laletibhidvo letikhulako tincutfwa ngaphambi tiphume timbale. Lolokujutjiwe kubese kuyomiswa ku 38°C kusetjentiswa kwekomisa lokungumoya.
Kwakhiwa kwa oyili lobalulekile: Oyili lobalulekile lokahle kakhulu uchamuka ekushisweni ngemashubhu ngemuva kwekuvela kwetimbali tesitjalo se rosemary futsi loku kutsengiswa njenga oyili lokhweshile futsi lophetse sigaba lesiphakeme. Ngemuva kwaloko uma letimbali setimile kuyalungiselelwa kujuba loko lokusele kwentela kushisiswa ngemashubhu lokushiya lesitjalo kutsi sikhule kahle kwentela kutsi sikhule futsi ngaphambi kwasebusika kanye netimbali tentfwasahlobo lelandzelako. Lena oyili lebalulekile imakethwa yodvwana.
Kugcinwa
Umkhicito lomusha: ngemuva kwekuvuna gcina le rosemary lensha ku 5°C. Le rosemary ingagcinwa emaviki lamabili. Lesimo sekugcina kumele sigcinwe ngetulu kwa 90% kwentela kuvikela lamacembe kutsi angalahlekelwa kufutfumala. Emacembe lamasha alahlekelwa sento sekulungiselela sinongo ngekushesha ngako kukahle kumaketha bese usebentisa emarosemary lamasha lajutjiwe ngekushesha lokukhulu.Umkhicito lowomile: lamacembe lomisiwe apakishwa etintfwenti letibamba ngekucina ngekushesha lokukhulu khona kutogcineka lelibala lawo kanye nesinongo sawo. Gcina ku 10°C.
Oyili lobalulekile: gcina oyili losemabhodleleni endzaweni lepholile lemnyama cishe umnyaka kuya etinyangeni letilishumi nesiphohlongo ngemuva kwekufaka ebhodleleni. Ngemuva kwaloku le oyili icala kulahleekelwa kubaluleka kwayo nekunuka kwayo.
Tilwanyana letincane
iMealybug, iScale, iSpider mite, iThrips ne White fly tilwanyana letatiwako.Tifo
Imphuphu yemuhlwa, Kubola kwetimphandze.iRosemary inetilwanyana letincane kanye netifo kepha kukahle kulandzela kuvikelwa kwenhlanyelo lokubhalwe ngulosebenta ehhovisini noma lobuke tekulima. Lolotsengisa emakhemikhali wasendzaweni kahlekahle unalo lilungelo leluhlelo noma angakunika lwati kutsi ngubani longakucwayisa lokhona ngebudvutane kulendzawo yekukhicitela.Translated by Phindile Malotana