Tikolosô-Jalo
Dikolosa ka dijalo tse di matlhare le menawa go fokotsa go agega ga disenyi le malwetse. Thôbô (di-tonne mo hekethareng) E e lekaneng: 10 tonnes E e bogareng: 25 tonnes E e siameng: 50+ tonnesKotulo
Kotulo ya legapu e dirwa ka seatla ka gonne tshwaô-boleng le go butswa ga leungo di tshwanetse go ka sweetswa mo tshimong ke mokgetli. O seke wa goga legapu gotswa mo morareng. Dirisa thipa e e bogale kgotsa sekere sa ditlhare go kgaola kalana ya legapu ka bophepa, mme o tlogele 4cm ya kalana mo legapung go thibela ntho gore ese bole le go bodisa legapu.
Leungo le tshwanetse ebe le butswitse ka botlalo ka ntlha ya gore fa leungo le setse le kgetlilwe ga le butswetse pele. Tsela e e gaisang ya go tlhola go butswa ke ka refractometer. Tsaya disampole go ralala tshimo ya gago mme fa Brix (bosukiri) bo nna 9 goya go 10%, tshimo e tlabe e siametse gore kotulo e simolole.
Seno se go letla go tlhola mmala wa ka fa gare ga leungo le go dira diteko tsa tatso. Ditshupo tse dingwe ke go omelela ga seranki sa dikalana le matlhare a a gaufi le kalana ya leungo, go supa gore leungo le butswitse mme ga le tlhole le amogela dijo.
E nngwe ke modumo o o seng bogale fa leungo le kokotwa ka seatla sa gago. Kotulo ya tshimo ele nngwe gantsi e dirwa makgetlo ale mabedi kgotsa le ale mararo tota pele maungo otlhe a ka kgetlwa. Kotula go sale gale mo mesong mo dithemphoritšhareng tse di fodileng.