Kushintja lokutjaliwe
Shintja netitjalo temacembe kanye netitjalo letikhipha lokusanhlavana kute unciphise tilwanyana kanye netifo. Sivuno (bunyenti) Longasigadza: 10 tonnes Lesijwayelekile: 25 tonnes Lesihle: 50 + tonnesSivuno
Kuvuna ema Watermelon kwentiwa ngesandla ngoba kuvutfwa kwakhona kubonwa ngumlimi. Ungadvonsi emaWatermelon esihlahleni. Sebentisa umukwa noma lenye intfo lekhaliphile kuvuna emaWatermelon, kufanele kusale sigodvo lesingaba ngu 4 cm kule Watermelon, kute uvikele kutsi le Watermelon ingaboli lapho ijubwe khona.
Lesitselo kufuneka sibe sivutfwe kahle, ngoba waze wasivuna asicubeki nekuvutfwa. Indlela lekahle yekubona kutsi lesitselo sivutsiwe, kufanele usebentise intfo lebitwa ngekutsi yirefractometer. Loku futsi kusita kutsi ubone umbala ngekhatsi kwalesitselo.
Lokunye longabona ngako kutsi lesitselo sivutsiwe, ungabona ngekutsi lomtimba walesihlahla wome kanye nekoma kwemacembe lokusho kutsi lesitselo sesivutsiwe. Lenye indlela yekutsi ubone kutsi sitselo sivutsiwe kutsi ushaye lesitselo ngesandla. Umsindvo lesiwentako utokutjela kutsi sivutsiwe. Ungavuna kute kube katsatfu kute uvune tonkhe titselo.