Botsamaisi ba Dijalo tsa Mokawa

Tikoloso ya Dijalo

Jala dinawa dingwe le dingwe kgotsa di-Brassica morago ga Mekawa.

Kumo - Ditone ka Heketara

Tshomarelo: 15 go ya go 20 ya ditone
Palogare: 20 go ya go 35 ya ditone
E Siameng: 50 ditone +
Tlhagiso ya ntlotala e ka feta ditone tse 500 ka heketara ka ngwaga.

Go Roba

Thobo ya mokawa o o tsentsweng mo aseineng le mekawa e mengwe e e diragaditsweng e dirwa ka thobo ya metšhini. Se ka tlwaelo ke thulaganyo e e diragalang lekgetlo le le lengwe mo dibekeng tse di ka nnang robedi morago ga go simolola go tlhoga.
Thobo ya tshimo e e bulegileng ya mekawa e e foreše e dirwa ka seatla le thobo ya mekgwatiriso ya tirisometšhine.
Thobo ya mo ntlotaleng e dirwa ka diatla.
Thobo e simolola mo dibekeng di le 9 go ya go 10 morago ga go jala mme e tswelela lobaka lo sejalo se santse se ntsha dithunya le maungo. Mekawa ya mmaraka o foreše e tshwanetse go robiwa bonnye gabedi ka beke. Thobe e ka tswelela mo dikgweding di le pedi. Go botlhokwa go roba maungo a a butswitsweng ka bonako ka gonne go a tlogela mo mrareng e tla thibela go uma ga dithunya tse di ntšhwa le maungo.
Tsidifatsa maungo a a kgetlilweng ka bonako jo bo kgonegang morago ga go kgetla.

Poloko

Mekawa e kgetlwa mo go gaisang, go rekisiwa le go jewa ka bonako jo bo kgonegang. Fa di bolokwa kgotsa go rorwa di tshwanetse go tsholwa ka 10°C go ya go 12°C ka monola o o fetang 90%. Ka fa tlase ga maemo a, mekawa e ka tshola maemo a ona go fitlhela malatsi a le 14.

Disenyi

Aphids, Dikhukhwane tsa matlhare, Dintshi tsa lephutshe, dikgopa le dinta tsa dikgopa tsa Segokgo le Dibokotlhale.

Malwetse

Anthracnose, Monyo o o bonolo wa mo fasana, Tshwabo ya Fusarium, mogare wa Mosaiki, Phytophthora, le Monyo o o bonolo wa poere.

Translated by Lawrence Ndou