Dikatse tse hlaha di na le diaparo tse mmala o lehlabathe ho ya ho o bosootho, tse nang le mefuta e meholo e lefifi e fumanwang dibakeng tse nang le metsi a fapaneng le dibaka tse fokolang dibakeng tse omeletseng, mme di nale mebala e fokotsehang ho ya ho e thata, e batlang e tshwana le tabby cat, empa e se e le metsero e seng mekae le e mengata haholo. Di atisa ho ba le dikgechana tsa kgalase melaleng ya tsona, mpa le pakeng tsa maoto a ka pele.
Katse e hlaha e kgolo e tla ba bolelele ba 85 ho ya 100 cm le boima ba 2,5 ho ya ho 6 kg. Tsela ya tsona e tshwana le ya thoane, e nyane feela. Bolelele ba sefahleho sa ya e moholo le ka morao ho morao ke bolelele ba 36 mm.
Ke diphoofolo tse ikgethang, haese nakong ya ho tlolelana kapa ha mosadi a ntse a batla ho kwala madinyane. Tse tshehadi di hlahisa madinyane a mahlano ka sehlopha, di qala ho tsoma ha di le dibeke tse 12 mme di ikemela ka dikgwedi tse hlano.
Di thathamisitswe e le mefuta e fokolang, hobane di ka tlasa mefuta e tswakaneng le dikatse tse ruuwang lapeng. Mathata a hlwekileng a fediswa ka ho feletseng metseng e meng moo ho nang le dikatse tse ruuwang lapeng.
Mokgwa wa ho Bolaya le ho Fepa
Di mpa di nka konyana e le nngwe ka nako, hangata konyana e ntse e longwa molaleng, e hullwa hole mme ka dinako tse ding di kwahetswe. Ho tla ba le matshwao a hlakileng tlasa letlalo. Ka nako e nngwe konyana ha e bolaehe, e fella ka ho ruruha molala, hlooho e teteaneng le konyana e etsang modumo wa ho utlwahala ka modumo o tswang ho phunyeletso. Dikatse tse hlaha hangata di ja nama ya sefuba le dirojo tsa ka hare, ha di ntse di tlohela mala.
Tsamaiso
Dikatse tse hlaha ka sewelo di bakela mathata a maholo ho diphoofolo tse ruilweng. Ditshenyo di ka thibelwa ka ho sebediswa terata ya phokojwe (terata ya mesh e ka bang 1.2 m hodimo le diphalo tse 74 mm), thibelo ya motlakase, lesaka la diphoofolo tse fokolang, modumo, disebediswa tse kganyang kapa tse utlwahalang, tshebediso ya diphoofolo tse sireletsang, tse kang dintja tsa Anatolian, ditonki kapa dimpshe le badisa ho hlokomela dinku nakong ya bofokodi.Dihwai di hloka tumello ya ho tshwara katse e hlaha. Tshebediso ya sefe ya ho qebeletswa le leraba, tse atisang ho sebediswa bakeng sa thoane, di sebetsa hantle ha o leka ho tshwara dikatse tsena.
Bakeng sa tlhahisoleseding e eketsehileng iteanye le Predation Management Forum.Translated by Bongani Matabane