Zinfandel

© Glenneis Kriel

Inchazelo

Liwayini leligilebisi lelibovu lelivela eCroatia, iZinfandel yatiwa kakhulu eCalifornia kusukela imkhatsini wa 1900s phindze ingakhokha iwayini lebovu lenesisindvo noma iwayini yesitayela setimbali lemhlophe.

Imvelaphi Yayo

Ivela eCroatia

Emagama/Emabito Lamanye

Angetulu kwemashumi lamatsatfu lafananako eZinfandel, kepha yatiwa kakhulu ngukutsi yi Primitivo (Italy) noma Crljenak kaštelanski (Croatian). iPlavac Mali itsatfwa kutsi iyafana kepha ngekwemtsetfo ihlukile ku Zinfandel.

Kukhicita eNingizimu Afrika

Ngetulu nje kancane wemahekitha lamashumi lamabili nakune (24 ha) eZinfandel lahlanyelwa eNingizimu Afrika (2016) kakhulu eStellenbosch (13 ha) bese ePaarl (8ha).

Tigodzi Tekukhicita

Kuse Paarl nase Stellenbosch

Kukhula/Kuhluma

Kululeka ngekuya etulu kwe Zinfandel kungayichuba ibe nemagilebisi lamaningi kakhulu kuze ente lebovu lengakahlanganiswa phindze ikhokhe imiphumela ya ‘jamu wesinongo wemagungumence’. Emavini afuna kuncutfwa njalonjalo kwentela kususa luhlanga loluvelako lwetitselo talowo mnyaka.

Lenhlobo/lentalo ikhonela kubamba noma kwehlisa umhlaba lovundzile kanye nesikhala lesivulekile ngangetinyawo letisihlanu noma ngentasi/ngaphansi kwaloko. Emacembe avama kuwela emaceleni, ahlukene kasihlanu phindze anekuba neboya ngasemaceleni laphansi.

©Glenneis Kriel

Kuvutfwa

iZinfandel idzinga indzawo lefutfumele phindze ingavutfwa ngendlela lengakacondzi. Ivunwa phakatsi kuya ekupheleni kwesikhatsi sawo.

Emagungumence

Aluhlata losasibhakabhaka lotopele – amunyama, ngemagungumence lancama – labutsene ngebudze kumagala/titfungo letindze njengemigcala lengabola malula. Bukhulu beligungumence lilekelelwa kuniselwa – emanti lamaningi, emagungumence lamakhulu.
Kunganiselwa kahle kungenta emagungumence kutsi abole. Kugcineka kwashukela losetulu weligilebisi kungakhuphula tjwala kumawayini.

Tilokatane Nemagciwane

Emagala/titfungo letibambene ngci tingaphoceleleka kutsi tilimale, tibe netilwanyana nemagciwane. Insimu yemagilebisi lendzala ingaba nesifo/ligciwane leligocoteka ngelicembe (ikatapila).

Kusetjentiswa

iZinfandel leneshukela losetulu ingentiwa ibetjwala lobusetulu iphindze ibenelibala leligcwele lelinemandla leliwayini lelibovu, liwayini le port-style lelitsatfwa emva kwekudla/emadina noma liwayini lelimhlophe lenendlela yeblush lebitwa ngekutsi yi ‘Zinfandel Lemhlophe’. Lendlela iyatiwa kakhulu eAmerica phindze yatiswe la Ningizimu Afrika ngemnyaka wa 2007 yindzawo yewayini iBlaauwklippen.

Kuvelela/Sinongo

Sinongo noma kuvelela kwe Zinfandel kungasukela kutimbali letifihlekile kuya ephungeni lelinetitselo njenge ‘plummy’. Jamu wesinongo seligungumence kule wayini ungakhomba kukhula lokusetulu kwemagilebisi.

Translated by Phindile Malotana