Zinfandel

Nhlamuselo

Lawa i madiriva yo endla wayeni yotshuka lawa ya tumbulukaka e Croatia, Zinfandel yi dume ngopfu e California kusukela exikarhi ka malembe yava 1900s naswona yikota kuhumesa tiwayeni ta kahle toshuka kumbe wayeni ya xitayele yo basa.

Ntumbuluko

Croatia

Mavito Yan’wana

Kuna kutlula 30 wa mavito lawa yanga vamavizweni ya Zinfandel, kambe yitiveka ku antswa hi tani hi Primitivo (Italy) kumbe Crljenak kaštelanski (Croatian). Plavac Mali ritekiwa tani hi lerifanaka kambe hintumbuluko rihambanile na Zinfandel.

Vuhumelerisi e Afrika Dzonga

Kuna kutlula 24ha Zinfandel leyi byariweke e Afrika Dzonga (2016) ngopfu ngopfu e Stellenbosch (13ha) nale Paarl (8ha).

Tindzhawu ta Vuhumelerisi

Paarl and Stellenbosch.

Ku Kula

Ku kula ka Zinfandel swinga endla leswaku madiriva yotala ya endla wayeni yotshuka leyinga tisaka nantswo wa ‘berry jam’. Misinya ya wona yifanele ku hungutiwa leswaku kuta susiwa swirhabyani leswinga tswala mihandzu eka lembe rero.
Nsinya wakona wukota ngopfu ku hanya eka misava leyinga nonangiki ngopfu kumbe yoka yinga nonangi naswona yilava ku byariwa usiya mpfhuka woringana 5 kumbe e hansi nyana ka yona. Matluka ya wona yatala ku cikinya swinene, yava na swiave swa 5 naswona yana voya endzhaku ka wona.

©Glenneis Kriel

Ku Vupfa

Zinfandel yilava maxelo yokufumela naswona yinga vupfa nkarhi wihi na wihi. Nkarhi wotshovela hile xikarhi kuya emakumu ka nguva.

Mihandzu

Mihandzu yakoina yina muhlovo wa wasi wo enta kuya eka ntima, nhlonge yovevuka laha yanga khomelela switiya eka xichocho lexingana xivumbeko xa khoni lexinga hlweleku ku bola. Kukula ka mihandzu yakona swiya hindlela leyi kucheletiwaka hi yona, leswivulaka leswaku loko mati yo cheleta ya tele na mihandzu kuva leyikulu.
Loko kunga cheletiwi swona swiendla leswaku mihandzu yi bola. Kuva mihandzu yiri na chukele rale henhla swiendla leswaku wayeni yakona yiva na xihoko xale henhla.

Switsotswana na Mavabyi

Marhavi lawa yanga tlhuma yanga kumeka ya vaviseka, kumbe kuhlaseriwa hi switsotswana na mavabyi. Masimu yakhale yangava na switsongwatsongwani leswi petselelaka matluka.

Kutirhisiwa

Zinfandel leyi ngana chukele rale henhla yinga endla eswaku wayeni yakona yiva na xihoko xale henhla naleswaku ti wayeni takona kuva leto tshuka swinene, tiwayeni ta xitayele xa dessert kumbe leto basa ta xitayele xa blush tivuriwa ‘White Zinfandel’. Muxaka lowu wudumile swinene e Amerika laha tinga tlhela tifika na laha tikweni ra Afrika Dzonga hi 2007 tifikisiwa hiva Blaauwklippen winery.

Nantswo/Nuhelo

Nantswo wa Zinfandel’s wusukela eka mabilomu nyana kuya eka nuhela wa mihandzu yotani hi ‘plummy’. Nantswo wa berry jam eka wayeni wukombeta madiriva lawa yakulaka swinene.

Translated by Ike Ngobeni