Ihlathululo
Mhlobo wewayini yamaderibe adabuka e-Croatia, i-Zinfandel yathola idumo khulu e-California ukusuka phakathi kweminyaka yabo-1900s begodu ikghona ukukhiqiza iwayini ebovu khulu kanye neyomhlobo obizwa nge-rose-style emhlophe.Imvelaphi/Indabuko
Ise-CroatiaAmanye Amagamawo
Kunamagama angaphezu kamatjhumi amathathu we-Zinfandel, kodwana yaziwa khulu njenge-Primitivo (Italy) nofana i-Crljenak kaštelanski (Croatian). I-Plavac Mali ithathwa njengefana nawo kodwana ngokuya ngefuzo umhlobo lo uhlukile kune-Zinfandel.Umkhiqizo weSewula Afrika
I-Zinfandel itJalwe emahegereni angaphezu kamatjhumi amabili nane eSewula Afrika (2016) khulukhulu e-Stellenbosch (13ha) kanye ne-Paarl (8ha).Umkhiqizo Weemphande
Paarl kanye ne-Stellenbosch.Ukukhula Nokuthela Kwawo
Umkhiqizo we-Zinfandel ophezulu urholela emaderibeni amanengi wokwenza iwayini ebukhali ebovu begodu lokho kungenza bonyana amamomori anambithe njengejemu. Iimvini yawo idinga ukunonde iquntwa iincenye zayo ukwenzela ukususa amagatja wamuva nje athela iinthelo.Imithi le imila kamnandi eendaweni zehlabathi enothe ngesilinganiso esiphakathi kanye nehlukaniswe ngesikhala esingaba magadango amahlanu nofana ngaphasi wokuyihlukaniswa. Amakarawo avame ukulengelela, begodu aneencenye zesiphetho ezizimpenda ezihlanu begodu anamaboyana encenyenawo ephasi.
Ukuvuthwa Kwawo
I-Zinfandel idinga ubujamo bezulu obufuthumeleko begodu angavuthwa msinyazana. Bekavunwe phakathi ukuyela ekupheleni kwesikhathi sonyaka.Amamomori
Anombala ohlaza khulu okuvangwe ngonzima, anamakelo amatsikana begodu ayaminyana abesisakhiwo esingafaniswa netjhubhu begodu lokho kungabangela bonyana abole lula. Ubukhulu bamamomori khuthazwa khulu kuthelelwa – kwaba namanzi amanengi amamomori abamakhulu.Kodwana ukuthelelela ngendlela ekungasiyo kungabangela ukubola kwamamomori. Ukuba neswigiri ephezu kwamaderibe kwenza bonyana iwayini idake khulu.
Iintjhabalalisi
Ukuminyana kwawo kungabangela ukuthi onakala, iinunwana kanye namalwelwe. Iimvini emidada ivame ukuba nengogwana yokubhincana nofana kutjhwaba kwamakari.Umsebenzawo
I-Zinfandel eneswigiri ephezulu yenza bonyana iwayini ibenesidakamizwa esinengi kanye nokuba yiwayini ebovu khulu, engaba ngendlela ebizwa i-port-style dessert wines nofana amawayini womhlobo omhlophe abizwa nge-‘White Zinfandel’. Indlela le idume khulu e-America begodu yathulwa eSewula Afrika ngomnyaka ka-2007 yathulwa yi-Blaauwklippen winery.Inambitho
Inamitho le-Zinfandel lingahluka ukusuka kelingazwakali khulu lamathuthumbo ukuya emnukweni weenthelo njenge-‘plummy’. Inambitho lamamomori eliyijemu ewayinini litshwaya umkhiqizo ophezulu wamaderibe.Translated by Johannes Nkosinathi