Kutsengiswa kwetintfo letisepulazini luhla lwetintfo letitsengisekako – intfo lengenta imali – lengatsengiswa.
Loluhla lwetintfo letingatsengiswa lungafaka kubita kwaletintfo ngatinye, sisindvo saloko lokukhona, nemnyaka lokwatsengwa ngawo, sikhatsi sekuphila lesigadziwe kanye nekwehla kwesisindvo sako.
Hambahamba kulelipulazi wente kuhlola lokujwayelekile kwaletintfo letikhona kulelipulazi. Yenta luhla noma ubhale tintfo ngendlela lengiyo ngetigaba takhona njenge mabhilidi, indzawo, imishina, tintfo letisetjentiswako, labaletsa tintfo epulazini kanye netintfo letikhona.
Kuchazwa Kabanti Ngetintfo Letitsengiswako ePulazini
Kutsengiswa kwaletintfo kuvame kufaka letintfo letilandzelako:Bukhulu belipulazi, imvumo yekuphatsa, bukhulu bendzawo lesetjentiselwa kulima kanye nesigaba sendzawo yekukhicita.
Inchazelo kanye nesisindvo sentfutfuko lehlangane njengendzawo lensha yemanti noma sifulelo.
Timoto, imishina kanye netintfo letisetjentiswako, kanjalo nenombolo kanye netinhlobo noma luhlobo.
Tinombolo kanye netinhlobo tetimfuyo.
Lokugciniwe, labaletsa tintfo epulazini kanye netintfo letifakiwe temikhicito fana nekwekuhlanyela, manyolo.
Tintfo letentiwe letiphelile naletisemkhatsini ekucaleni nasekugcineni kwemnyaka wetimali.
Kumabanga lahlukene ekutsengisa kubonakala lolokulandzelako:
Umnyaka ngesikhatsi yinye intfo yalendzawi yatsengwa.
Imali leyatsengwa ngayo intfo ngayinye.
Libanga lebeligadziwe lemshina noma tintfo letisetjentiswako.
Bese uyabala lokwehla kwayinye ngemnyaka intfo ngekusebentisa indlela yemalayini lacondzile noma indlela yekwehlisa-lizinga.
Libanga Leligadziwe Letintfo Letisetjentiswako
Ngentasi ngemabanga lagadziwe ngaleminye imishina netintfo letinye letisetjentiswako epulazini. Ngalokugegetelwe lizinga lekusita njenge phesenthi yalokutsengiwe ngekubita kwakko – sisindvo saleyontfo ekugcineni kwemphilo yako.Timoto – Iminyaka Lesihlanu (10%)
Tigulumba – Iminyaka Lelishumi (10%)
Tintfo letisetjentiswako – Iminyaka Lelishumi (10%)
Emathuluzi – Iminyaka Lelishumi (0%)
Emaphampu netintfo letisebentisa gesi – Iminyaka Lelishumi Nesihlanu (0%)
Translated by Phindile Malotana