Inventory ya purasi i nxanxameto wa nhundzu yankoka yale purasini leyinga xavisiwaka. Nxanxameto wa inventory wunga katsa ntsengo wa nhundzu, nkoka wa yona, lembe leri yinga xaviwa ha rona, nkarhi lowunga languteriwa kuva yiva kona xikan’we na kuhunguteka ka ntsengo.
Ndlela yo Endla Inventory
Inventory yitala ku endliwa kan’we hi lembe naswona yikatsa ku hlayeriwa ka hinkwaswo leswinga e purasini, kukatsa ti hectares ta misava, ti tons ta mavele lawa yanga kona, swifuwo na swin’wana. Inventory yita tlhela yikatsa na ntsengo wa mali hi tirhandi wa nhundzu leyi.Famba famba na purasi urikarhi u kambela nhundzu ya purasi. Endla nxanxameto kumbe spreadsheet xa swilo kuya hi mintlawa ya swona kufana na muako, misava, michini, switirhisiwa, mphakelo wa purasi na xitoko.
Vuxokoxoko bya Inventory ya Purasi
Inventory yi tala kuva na leswi landzelaka:Vukulu bya purasi, mfanelo ya vun’winyi, vukulu bya xiphemu xa misava lexi tirhisiwaka vurimi xikan’we na ndzhawu ya vuhumelerisi.
Nhlamuselo na ntsengo wa leswi antswisiweke swotani hi lwangu kumbe borehole.
Mimovha, michini na switirhisiwa, xikan’we na tinomboro na muxaka wa model wakona.
Tinomboro na muxaka wa swifuwo.
Xitoko, mphakelo wa purasi na swa vuhumelerisi kufana na swophamela swifuwo kumbe manyoro.
Switirhisiwa leswinga hela na leswi nga helangiki emasunguleni nale maheleni ya lembe.
Eka mintila yin’wana yo hambana ya inventory kombisa leswi landzelaka:
Lembe leri nhundzu yin’wana na yin’wana yinga xaviwa ha rona.
Ntsengo lowu kunga xaviwa ha wona.
Vutomi lebyi languteriweke bya muchini/xitirhisiwa.
Kutani u hlayelela kuhunguteka ka nxavo wa xilo xin’wana na xin’wana hiku tirhisa maendlelo ya straight-line kumbe reducing-value method.
Vutomi lebyi Languteriweke bya Switirhisiwa
Laha hansi i vutomi lebyi languteriweke bya michini yin’wana na switirhisiwa leswinga e purasini. Endzeni ka swiangi i ntsengo wa loko swingaha tirhi tani hi % ya ntsengo lowu kunga xaviwa hi wona- nkoka wa xona loko ku hela vutomi bya xona.Mimovha - 5 wa malembe (10%)
Matertere - 10 wa malembe (10%)
Switirhisiwa - 10 wa malembe (10%)
Mathulusi - 10 wa malembe (0%)
Ti pompon a michini ya gezi - 15 wa malembe (0%)
Translated by Ike Ngobeni