I-inventory yeplasini yilisti yepahla – nanyana ngiyiphi enegugu – engathengiswa. Hlangana kwelisti ye-inventory kufaka hlangana intengo yezinto ezithengiswako, unyaka ipahla eyathengwa ngawo, ukobana ipahla izokuphila iskhathi esingangani kanye nokuwa kwegugu layo.
Uyenza njani i-Inventory
I-inventory yenziwa okungasenani kanye ngonyaka begodu ifaka hlangana ukubalwa kwayo yoke into eseplasini, ekubalwa hlangana ama-hectare wenarha, kanye namatani wesphila esisesitokweni, ifuyo njalonjalo.I-inventory izokufaka hlangana imali yepahla ngamaranda.
Khambakhamba eplasini ulihlole loke ubone ipahla elinayo. Yenza ilisti yezinto nge-spreadsheet ngokuya ngokobana kunani isibonelo izindlu, inarha, imitjhini, iinsetjenizwa, kanye nensetjenziswa zeplasini kanye nestoko.
Imininingwani ye-Inventory Eseplasini
I-inventory ivamise kobana imumathe imininingwane elandelako:
Ubukhulu beplasi, kobana ngubani umninilo, ubukhulu benarha esetjenziselwa zelimo kanye nokuhlolwa kwe-unit yomkhiqizo.
Ukutlhadlhulwa kanye nokuhlolwa kwezinto ezenziwe ngcono eplasini ezifana nama-borehole nanyana amasenke.
Iinkoloyi, imitjhini esetjenziswako kanye nenomboro nemihlobo yayo.
Okobana unefuyo engangani kanye nomhlobo wayo.
Iintoko, kanye nensetjenziswa kanye nemikhiqizo efana nembewu kanye nemvundisi.
Imikhiqizo epheleleko nanyana engakapheli ekuthomeni nekugcineni konyaka wemmmali.
Emakholomini ahlukeneko we-inventory itjengisa izinto ezilandelako:
Unyaka wokobana into ngayinye eseplasini yathengwa nini.
Intengo yento enye nenye ethengiweko.
Ukobana umtjhini kulindelwe kobana uphile iskhathi esingangani.
Bese ubala kobana ngonyaka igugu layo lehla kangangani lomtjhini ngamunye.
Ukobana Imitjhini Kulindelwe Kobana Iphile Iskhathi Esingangani?
Ngaphasi kutlolwe isikhathi ekulindelwe kobana eminye imitjhini ingasiphila kanye nemitjhini esetjenziswa eplasini. Lantana kwembayana yigugu lentengo eyathengwa ngayo – igugu lento leyo lokha nasele iphelelwe sikhathi.
Iinkoloyi 5 yeminyaka (10%)
Amatregera 10 yeminyaka (10%)
Iinsetjenziswa 10 yeminyaka (10%)
Amathusi 10 yeminyaka (0%)
Iimpopo kanye nemitjhini yegezi -15 yeminyaka (0%)
Translated by Busisiwe Skhosana